PANAY ang tunog ng cellphone ni Devee pero wala talaga siyang balak na sagutin iyon. Nakahiga siya sa kaniyang kama habang nasa ilalim ng makapal na kumot. Kanina pa siya naroon, at mukhang wala rin siyang balak na lumabas mula sa pagkukulong sa kaniyang silid. Ano naman ang mukhang ihaharap niya sa lalakeng makakasalubong niya kapag lumabas na siya sa pintuang iyan? Hiyang-hiya siya sa sarili niya... maging sa binata. Pagkatapos ng kagagahang ginawa niya kanina at sa nag daang gabi, saan pa siya kukuha ng lakas ng loob na humarap dito?
What on earth? Bakit naman kasi iyon ang pumasok sa isip niya? Hindi niya ba naalala na wala na siya sa Apartment niya? Nasa bahay siya ng ibang tao. Dapat nag iingat siya sa mga kilos niya. Paano pala kung hindi niya isinuot ang panloob niya kanina bago t
