UNOT ang noo na bumaba si Kelly sa kaniyang kotse pagkaparada niya sa labas ng bahay ng pinsan niyang si Ericjan. Tutal at maaga namang natapos ang trabaho niya kaya naisipan niyang dumaan muna sa bahay ng mag-asawa. Pero ang hindi niya inaasahan ay ang makita si Kevin doon. Kagaya niya, kakaparada lamang din ng sasakyan ng binata sa tapat ng bahay.
Lihim siyang nagpakawala ng buntong-hininga bago naglakad palapit sa gate. Hindi niya na lamang ito papansinin.
"Hi, Kelly! Good evening." nakangiting bati nito sa dalaga.
Pinaikot niya ang kaniyang mga mata 'tsaka hindi ito pinansin at nilagpasan lamang.
"Kelly, wait." anang Kevin at mabilis na hinawakan sa braso ang dalaga.
Ewan, pero naroon na naman ang kakaibang kiliti sa puso ng dalaga nang hawakan siya nito. Oo na! Inaamin naman niy
