HINDI alam ni Devee kung anong oras na siya nakatulog sa nagdaang gabi. Basta na lang siyang nagising kinabukasan nang may marinig siyang boses na tumatawag sa pangalan niya.
"Ms. Devee..."
Naramdaman pa niya ang isang kamay na yumugyog sa balikat niya.
"Mmm!" inaantok na unggol niya at bahagya pang gumalaw upang tumihaya sa pagkakahiga.
"Ms. Oliveros, wake up!"
Mayamaya ay narinig niya ang masungit na boses na iyon. Agad siyang napamulat ng mata nang makilala niya kung kaninong boses iyon. Mabilis siyang napabalikwas nang bangon sa sofa. Wala sa sariling kinuha niya ang maliit na unan at niyakap iyon ng mahigpit. Bigla ring naagaw ang atensyon niya roon sa nakatayong dalawang lalake sa gilid ng sofa, habang nasa may paanan naman niya si sir Joseph. Mayamaya ay napabaling ang tingin n
