"KUYA?" nanlalaki ang mga matang tawag ni Devee sa mga lalakeng nagbubuhat sa kaniyang mga gamit palabas ng kaniyang Apartment. "K-kuya ano pong ginagawa ninyo sa mga gamit ko? Teka lang! Saan n'yo dadalhin ang mga gamit ko?" tarantang tanong niya habang nagmamadaling pumasok sa maliit na gate.
"Buti naman at nandito ka na Devee."
Agad siyang napalingon sa may pintuan ng kaniyang Apartment nang marinig niya roon ang boses ng kaniyang landlady. Bigla na naman siyang nakadama ng kaba. Pero wala naman siyang ibang nagawa kundi ang maglakad palapit dito. "Aling Barbara! E, a-ano po—"
"Nasaan na ang bayad mo sa bahay ko?" masungit na tanong pa nito.
Bahagya pang napapikit si Devee dahil sa nakakairitang boses ng matanda.
"Kanina pa kita hinihintay. Aba, tinatakasan mo na naman ba ako Deve
