PUMASOK siya sa kusina na parang walang nangyari. Sumandal siya sa mesa para sana bawiin ang lakas niya. Masyado siyang nanghina sa nakita niya. Ang singsing na iyon ay mas maganda pa sa wedding ring na may roon sila pero wala roon ang pake ni Ayana. Nakapokus ang isipan niya sa pag-iisip kung kanino iyon ibibigay ni Gavin.
Natigil siya sa pag-iisip nang itaas ni Manang Belen ang sleeves ng kaniyang damit. Nanlaki ang mata nito ng makita ang nagkukulay ubeng mga pasa sa braso niya.
“Jusko! Iyan ba ang normal na pag-aaway? Bakit hindi mo man lang sinabi sa akin na namamasa ang braso mo?!”
Ngayon niya lang din napansin na may pasa pala ang braso niya dahil sa mahigpit na paghawak ni Gavin dito at ilang sugat dahil sa bumaon na kuko nito.
“Hindi naman po ganoon kasakit,” pagsisinungalin
