Tatiana’s POV
Patingin-tingin ako kay Grigori habang kumakain. Ang sarap na ng kinakain kong tonkatsu, masarap pa itong lalaking kasama kong mag-lunch ngayon. Sobrang guwapo niya talaga ngayon. Halatang pinaghandaan niya ito. Nag-effort pa talaga siyang pumorma at mag-ayos ng buhok. Kapag ganito ang awra niya, ikagagalit ko talaga kapag may babaeng tingin nang tingin sa kaniya.
“Thank you, Grigori, ah. Ang sarap kumain dito. Ito na ata ‘yung pork tonkatsu na pinakamasarap na version na natikman ko,” sabi ko sa kaniya, “ sa tingin ko tuloy ay mauulit pa ako rito.”
“Ah, hindi na ako kasama, ganoon?” pagtatampo naman agad niya.
“Ito naman nagkamali lang ako nang sabi. Sa tingin ko kako ay baka maulit tayo dito. Okay na, happy ka na? Sabagay, libre mo naman ata ulit siguro kaya go lang,” n
