“Flor, ano’ng meron?”
Abala ang mga katulong sa kusina. May nakalatag na mga pangsahog sa working bench. Nakasalang din ang isang malaking sauce pot s lutuan at tila naaamoy na niya ang pinakuluang baka. Humalik muna siya kay Nanay Rosa at muling nilapitan si Flor. Napatingin siya sa hawak nitong mga panglinis.
“Pinalilinis ang silid ni Sir Grant.”
“Da-darating na siya?”
‘Di maitago ang tuwa niya. Naging unsteady pa nga ang boses niya. Sinakop kaagad ng excitement ang puso niya hindi pa man.
“Oo, kaya’t bilisan mong magbihis at umakyat ka sa itaas. Sinimulan ko na, ikaw na lang ang magpapalit ng bedsheet at punda. Ayaw naman ni Sir Grant ng kurtina kaya iyon na lang ang gagawin mo.”
Darating si Grant. Darating si Grant. Ang ngiti sa labi ay kaagad na puminta. Dalawang taon na rin a
