SARAH
NAKAKAINIS ang pagmumukha ni Sir bukol. Hindi ko maiwasang tarayan siya. Mukha siyang bakulaw sa paningin ko. Hindi ko maintindihan kung bakit ganoon ang tingin ko sa kanya ngayon. Samantalang dati gwapong-gwapo ako sa kanya kahit ang sungit niya. Mas nangingibabaw kasi ang pisikal na anyo nito kaysa ang ugali. Well, ganon naman yata kapag may gusto ka sa isang tao. Kahit alam mong may hindi magandang pag-uugali pero mas angat pa rin ang kaguwapuhang taglay nito.
Bakit kaya kapag hindi ko nakikita si Sir Javier pakiramdam ko ay malungkot at nami-miss ko siya. Baliw na ba ako? Baka kailangan ko ng magpatingin sa phychiatrist. Diyos ko ayokong maging baliw. Baka naman natural lang ang ganitong behavior.
Kunot na kunot ang noo ni Kevin habang nakatitig sa akin. Bakit ba ganito makat
