SARAH
DUMATING si Lucas lulan ng sasakyang may malaking gulong. Bumaba siya at sinalubong kami na palabas na ng gate. Ngayon ang alis namin patungo sa rancho ni Lucas. Ipapasyal niya daw kami doon. Siyempre na-excite ako dahil makakapamasyal na ako. Nagpaalam na kami ni Kevin kay Ma’am Glenda at pinayagan naman kami.
Napatingin ako sa suot ni Lucas. Ang guwapo niya sa cowboy suit. Wala nga lang siyang suot na sumbrero. Bagay na bagay sa kanya ang maong na kupasin at nakasuot ng sapatos na boots. Kulang na lang kabayo ang dala niya at cowboy na ang hitsura niya.
“Good morning sa inyong dalawa. Are you ready?” sabi nito sa amin.
“Ready na po kami, Sir,” sabi ni Kevin. Sumakay na kami sa sasakyan. Aalalayan pa sana ako ni Lucas nang tumanggi ako. Kaya ko naman ang sarili ko dahil sanay
