NAGULAT SI ZENNA SA biglang pagbisita sa kaniya ng ina. Akala niya kasi ay hindi na nito gugustuhing makita pa siya, tulad ng sinabi ng kaniyang pamilya noon sa kaniya. At nakapagtatakang sumama si Margaux sa ina, ang nakababata niyang kapatid. Batid niya kasing kinasusuklaman siya nito, na di niya sigurado kung ano'ng dahilan ng galit nito sa kaniya.
“ See, Mom, ang anak ninyong disgrasyada, nakatagpo pala ng mayamang sumalo sa anak niya. Malay natin, baka mas matanda pa pala sa inyo ni Dad ang pinatulan niya. Hindi na talaga nagtanda sa pag-akyat ng kahihiyan sa pamilya natin. ”
Namaywang pa si Margaux nang ilibot ang paningin sa buong sala. Kahit kailan ay hindi siya nito itinuring na ate. Para siyang hindi kabilang sa pamilya Lopez kung magsalita ito. Ang masakit ay hindi man lang ka
