WDBHG 19
Hindi siya pinayagan ng mommy niya na bumalik sa condo dahil mag isa lang siya doon. Natatakot sila para sa kaligtasan niya. Mabuti na rin 'yon dahil kahit naman naiilang pa rin siya sa daddy niya, alam niya naman na safe siya sa mansyon nila kaysa sa condo. Iisa lang ang guard doon, nasa lobby pa. Buti sana kung ganoon kadaling humingi ng tulong sa baba kapag may nangyari sa kanyang masama. Isa pa, mas madaling makipagtaguan sa daddy niya at ang mga kababata niyang anak ng mga tito niya na kapitbahay lang din naman nila, kaysa mamuhay at mapraning na lang siya sa kakaisip kung safe siya sa condo mag-isa.
Ilang gabi niya na ring napapanaginip ang lalaking naka-maskara doon sa isla. Palagi siyang nagigising na basang-basa ng pawis kahit bukas ang aircon sa kwarto niya. Nananatili
