“Magda, nabalitaan namin ang nangyari sa bahay mo,” bakas sa mukha ni mommy ang pag-aalala sa akin ng pumunta ako sa bahay nila.
Wala sana akong balak na puntahan siya ngunit sinabi ni Cally na susunduin niya ako sa bahay kung saan ako nakatira. Dahil ayokong malaman niyang nakatira ako sa condo ni Marcus, kaya napilitan akong pumunta sa bahay nila.
Ininom ko muna ang softdrinks sa baso ko bago ako nagsalita. “Naging abo na ang bahay ko.”
“Dito ka na sa bahay tumira o kaya sa daddy mo.”
“Huwag n’yo na akong problemahin kaya ko ang sarili ko.”
Bumuntong-hininga siya. “Ayaw mo talaga kaming makasama?”
“Oo, ayoko.”
“Anak…”
“Pumayag na ako sa gusto n’yo na ipakilala sa araw ng anniversary ng kumpanya.”
“Pinaghahandaan nga namin ang araw na ‘yon. May gusto ka bang idagdag para sa party
