“Magda! Magda!”
Naririnig ko ang boses ng kaibigan kong si Tetay, habang kumakatok sa pinto.
“Bakit siya nandito?”
“Magda, buksan mo ang pinto!”
“Hays! Ang kulit talaga niya.” Bumangon ako para buksan ang pinto.
“Magda, bakit ang tagal mong buksan?”
“Tulog pa kasi ako.”
“Nabalitaan ko ang nangyari sa party.”
“Kahit pala mga mayaman marami rin tsismosa.”
Pumasok sa loob si Tetay at umupo sa gilid ng kama. “Sinabi ko naman sa ‘yo na sabihin mo na agad kay Marcus na buntis ka.”
“Hindi na kailangan magpapakasal na siya sa iba.”
“Masakit ba?”
“Ang alin?”
“Sus! Alam mo naman kung anong ibig kong sabihin.”
“Hmm…medyo lang.” Sabay iwas ko ng tingin.
Hangga't maaari ayokong ipakita sa kanya na nasasaktan ako.
“Medyo lang ba talaga?”
“Alam mo, kung pumunta ka rito para inisin ako
