ALAS-SAIS pa lang ng umaga ay narinig ko na ang malakas na katok sa pinto ng kuwarto ko. Wala akong nagawa kung hindi ang bumangon dahil wala naman ako sa sarili kong bahay. Noong nasa sarili akong bahay ay gumigising ako kahit anong oras. Kung minsan kasi ay si Tetay ang nagbubukas ng tindahan ko, o kaya bubuksan ko ito kung anong oras ako magising. Malaki pa rin naman kasi ang kinikita ko kahit anong oras ako magising dahil ako ang may pinaka-malaking tindahan sa street namin.
“Keppy! Keppy!” narinig kong sigaw sa labas.
Kinuha ko ang tuwalya at tinakip ko sa dibdib ko. Wala kasi akong suot na bra kapag natutulog.
“Bakit po, Aling Maria?” tanong ko sa isa sa mga katulong ni Ma’am Virginia.
“Keppy, nagising ka ba sa tawag ko?”
Napakamot ako sa ulo. “Ay, hindi!”
Tumawa siya. “Pasensy
