HOMBRES ROMANTICOS SERIES 5:
ALARIC AEGE ALKAIDE
UNTAMED
Kabanata 10
ISINUONG NI SAOIRSE ang sarili sa isang kritikal na destinasyon—ang magbalik-bayan nang wala sa angkop na panahon at oras.
Walang paghahanda sa madaling sabi ngunit bakit nga ba kailangan niya ng paghahanda? Hindi naman digmaan ang pupuntahan niya. Walang digmaang magaganap kung papanig sa kagustuhan niya ang mga magaganap sa pagbabalik niya.
May malaking bahagdan sa kalooban niya na hindi sang-ayon sa kanyang impromptu decision na iyon subalit nang mga oras na natagpuan niya ang sarili sa lupain ng Pilipinas ay na-realize niya na siguro ay tadhana na rin ang gumawa ng desisyon para sa sarili niya.
Isa pa, bakit nga ba siya makakaramdam ng pangamba sa kanyang pagbabalik? She is not a wimp to feel afraid of anythin
