Bangag, lutang at sabog. Ganiyan ako habang bumabyahe kami ni Treece papuntang Samar. Sino ba namang makakatulog ng mahimbing kung kada iipikit ko ang mata ko ay ang eksena namin ni Treece kagabi habang pinaliligaya ako ang nakikita ko.
Matapos ng nangyari sa'min kagabi ay parang wala lang dito na muling isinuot sa'kin ang panloob ko, inayos ang damit kong pantulog at kinumutan ako hanggang leeg. Saka ito bumalik sa harap ng kaniyang laptop at hindi na ako muling ginambala.
Lahat na ginawa ko para makatulog. Ilang tupa na yata ang nabilang ko sa isip ko ngunit sa huli ay nanatiling dilat ang diwa ko. Wala tuloy akong nagawa kundi magtulug-tulugan lalo na nang oras na ng pagtulog nito ay tumabi ito sa akin. Pumuwesto ito sa likod ko at yumakap sa baywang ko.
"Hey, we're here."
Nagising
