Switzel POV
"Ang estudyanteng ito ay pagmamay-ari ng eskwelahang ito. Napakarude n'yo naman ata kung kukunin n'yo siya ng gano'n-gano'n lang?" Ngumisi iyong si Claude.
"Umalis ka sa pwestong iyan kung ayaw mong madamay!" banta ni Oliver. Halata ang galit dito sa kung paano umigting ang kaniyang panga.
"Paano ba 'yan? Ayaw ko umalis, eh. Sino mag-aadjust sa ating dalawa?"
Sa totoo lang, ako ang natatakot para kay Claude. Hindi hamak na lakas ng loob lang ang lamang ni Claude kay Oliver. Maliban roon ay wala na. Sa kung paano pa lamang nagawang patalsikin ni Oliver si Doll at sa kung paano hindi siya magawang patulan nina Ace ay mukhang alam nila kung gaano kalakas ito.
Kumurba ang kaniyang labi sa isang ngiti. "Magbabalik kami. Maniningil pa ako sa inyong lahat," matigas ang naging
