PAGLABAS ni Janz sa elevator ay may humila sa kanya. At sa pagkabigla ay nasipa niya agad ito. Saka niya napagtanto na si Keith iyon.
“Sorry.” hinging paumanhin niya bago tumalikod at nagpatuloy sa paglalakad. Wala siyang narinig na sagot mula dito kaya dumeretso na siya pintuan at pinindot ang passcode.
Nang makapasok ay dumeretso na siya sa kanyang silid. Pabagsak na nahiga at hindi nagtagal ay nakatulog na siya.
Samantala ay nakatitig lang si Keith sa tulog na asawa. Ngayon niya nararamdaman ang pagsisisi kung bakit sinaktan niya ng husto si Janz.
Hindi na ito ang babaeng walang ginawa kundi mahalin siya. Ang inosenteng PA niya ay tuluyan ng naglaho. Ngayon ang nasa kanyang harapan ay matapang, palaban at walang pakialam sa kanya.
Nagyuko siya ng ulo at inalis ang suot nitong san
