قمر

البارت الثاني

عندما ترزق بناس تحبك من غير سبب فهذه نعمه من عند الله يجب علينا شكره عليها.

وهذا ما كانت تفعله قمر كل يوم تشكر ربها على هذه العائله ... مع انها خادمتهم لكن لم تشعر بذلك يوما ...كل ما تشعره انها فرد من هذه العائله .. و هم لم يشعروها بغير ذلك ابدااا.

ولكن تجرى الرياح بما لاتشتهى السفن.

*****************

نزلت قمر مع فهد للافطار ليجد جميع اخواته ينتظرونه ليجلس على راس المائدة ليقول

فهد : صباح الخير

ليرد عليه جميعا : صباح النور

ليبدا بالافطار و تبدا قمر بمساعده كل منهما ووضع الطعام والشراب لكل واحد لهم لتنتهى وتتجه لفهد لتضع له قهوته ليبدا زياد ليقول : انا نازل الموقع الجديد انهارده وهاجى على الاجتماع

فهد : تمام و ابقى بلغنى اول باول على الجديد

زياد : تمام

لينظر فهد لعمر ويقول : هتعمل ايه يا عمر النهارده ؟؟

عمر : هروح اجيب ليلى و هعدى على علا اجبها عشان تظبط الدنيا هنا وتشوف هى وليلى هيعملوا ايه عشان تلحق تخلص قبل الجمعه

لتنظر له حور وتغمز : ايوه يا عريس

ليبتسم فهد ويقول : طب كويس و خليك معاهم و متروحش الجامعه النهارده

عمر : للاسف مش هينفع فى محاضرة انهارده مهمه الامتحانات قربت

لتنهض جوريه عند هذه الكلمه وتقول باسراع : عندك حق و بمناسه انها قربت انا همشى عشان الحق السيكشن يالا باى

لتناديها قمر : استنى يا جوريه بلاش عربيات انتى زياد هيوم و يوصلك فى طريقه

ليتهجم زياد و يقول : انا طريقى غير طرقها

لتنظر له قمر بتهديد : هتوصل اختك

زياد بضيق : لسه مخلصتش اكل طيب

لتقول قمر : جهزت سندوتشاتك يالا قوووم

لينهض زياد بضيق : اوامرك تنفذ يا ست قمر

قمر بابتسامه : حبيبى انت

لتتجه لجوريه وتقول : طمنينى وصلتى امتى لتغمز لها فى اخر كلامها

لتحضنها جوريه وتقول : مكنش لازم ياقمر

قمر : مش هسيبك تروحى لوحدك بعد اللى حصل خليه يعرف ان وراكى رجاله

لينادى فهد على قمر

لتقول قمر : حاضر ..يالا باى

جوريه : باى

ليذهبا جورية و زياد

و تتجه قمر لفهد

قمر : افندم

فهد : مال جوريه ليه اصريتى ان زياد يوصلها

لتتوتر قمر وترد : ابدا المره اللى فاتت اتاخرت على السيكشن عشان ركنه فقولت زياد يوصلها عشان تلحق بسرعه وهى راجعه ابعتلها السواق

فهد : اممم طيب و ينظر للتوام ويقول : رايحين النادى !

ليردا معا : ايوة

فهد : حمزه ايه اخبار تمرين السباحه ؟؟

لينطر حمزة بتوتر لقمر لتنقذه لتغيبه عن التمرين مرتان

لتقول قمر بسرعه : مرحش اخر مرتين ... كان وراه مذاكره كتييير قولت ينزل يذاكر فى النادى بدل زهق البيت

لينهض فهد فجاة : مقولتلكيش تردى و هعديها عشان اتاخرت و مافيش غياب تانى فاهمين؟

ليردا هما الثلاثه ( قمر ، حمزة ، حور ) : فاهمين

ليتركهم ويذهب ليقول حمزة باسف : سورى يا قمر بسببى زعقلك

لتبتسم له قمر : ولا يهمك ياحبيبى يس مافيش غياب تانى

حمزة بابتسامه : تمام

لينهض عمر ويقول : طب يالا قدامى انتو الاتنين عشان اوصلكوا وانا ماشى ... و متزعليش يا قمر انتى عارفه فهد مبيحبش حد يدارى عنه حاجه

لتبتسم قمر وتقول : اه عارفه و سيبهم روح شوف اللى وراك انت ... معندهمش النهارده

ليذهب عمر و هو يقول : خلاص تمام ... سلام

ليىردا : سلام

لينظر لبعضهم وتقول حور : هنعمل ايه انهارده

لتبدا قمر بترتيب المكان و هى تقول : اتفقوا و شوفوا عايزين ايه وانا عليا التنفيذ

حمزة : انا هطلع انام

لتنهض حور وتذهب لتساعد قمر اثناء مرورها بجانب حمزة لتض*به وتقول : مافيش نوم ...هتساعدنا دا اولا ... ثانيا انت هتنفذ اللى هقول عليه النهارده والا هقول لفهد انك كنت بتتسرمح مع البنات بدل ما تروح التمرين

ليتجه لها ويشدها من لذنيها و يقول : بتقولى ايه مسمعتش ؟؟

لتصرخ حور وتنادى على قمر لتساعدها : الحقينى يا قمر

لتضحك قمر وتقول :مع انك تستاهلى بس سيبك اختك الكبيرة يا حمزة

ليتركها حمزه بتهجم ويقول : دقتين بس الفرق

لتخرج له حور ل**نها وتقول : بردوا انا الاكبر و عشان كدا لازم تسمع الكلام والا هقول لفهد

حمزة : اووووف ... اخلصى عايزه ايه

لتبتسم لهم قمر وتتركهم ليمرحا معا .

لتقول حور بضيق وخبث : حسام رخم عليا امبارح فانا عايزة انتقم

ليرد حمزة بضيق : ما تفكك منه بقى

لترد حور : هو اللى بيبدا

حمزة : طب عايزة تعملى ايه فيه ؟؟

حور بخبث : صورته صورة صغيرة هنزلها على الفيس ... و كمان عايزه احط دا فى اوضته و دى مهمتك

حمزه بشك : مش كتير كدا يا حور و هتحطى ايه فى الاوضه ؟؟

حور : لا دا قليل كمان ... هحط البرق

حمزة : الفار !!

حور بتهكم : فار .. اسمه هامستر

حمزة بتنبيه : اين كان حسام عندو فوبيه من الحاجات دى يا حور

حور : هدخل برق اوضته ولا لا يا حمزة ؟؟

حمزة : لا مش هبيع صحبى انا و فكك منى

حور : ماشى يا حمزة براحتك بس متجيش بعد كدا تقول حرمت يا بيه

حمزة بضيق : هاتى الزفت

حور بغرور : اسمه برق

حمزة : اخلصى

حور وهى تعطيه الهامستر : امسك حطه بين هدومه فاهم

ليمسكه حمزة و يضعه فى جيبه و يقول حمزة : مش هيموت كدا

حور : لا مش هيموت اعمل بس اللى قولت عليه

ليخرج حمز لكى يقوم بهذه للمهمه الصعبه .. ويتجه لفيلا جارهم حسام ابن جارهم المحامى عصام ... حسام عصام فى الصف الثالث الثانوى صديق حمزة الصدوق اصدقاء من الطفوله و عدو حور اللدود خناقاتهم و مشا**تهم ابتدت منذ زمن لاحد يعلم سبابها حتى هم ....و لجمال حسام ووسامته التفت البنات حوله بكثرة .....فاعطت حور لنفسها هذا السبب بان كثرة مصاحبته للبنات تدل على انه صايع لذلك لم تصادقه حور .

حسام



ووصل حمزة لباب فيلا صديقه ليطرق الباب لتفتح له الخادمه الفلبينية

الخادمه : امزة بيه اهلا بيك ...اوسام بيه فى غرفه ... انت اطلعله ؟؟

حمزة بابتسامه :اه انا اطلعله فيونا ... بس مقولتليش فين شريك ؟؟

لتضحك فيونا و تتنحى على الجانب ليدخل حمزة و يصعد لصديقة و يدخل من غير ان يطرق الباب

حمزة : سونه حبيبى ايه الاخبار ؟؟

ليجد حسام يتحدث بالهاتف فيلتفت له حسام بهدوء و يشاور له بمعنى خمسه دقائق و اكون معاك

ليقول حمزة : المزة الجديدة دى ؟؟ .... و يا ترى رقم كام ؟؟

لينظر له حسام بوعيد و يقول لمن معه فى للهاتف : معلش ياحبيبتى انا لازم اقفل دلوقتى و شويه وهكلمك باااى

ليقفل معها و ينظر لصديقة ويقول

حسام : مبعدش والله يا ميزو ... ها مقولتش جاى ليه ؟؟

حمزة : انت بتتردنى ؟؟

ليبتسم حسام اثناء جلوسه على السرير : هو انا اقدر ... دا انت اللى تتردنى من هنا

حمزة بغرور و هو يتجه ليجلس على كرسى المكتب

حمزة : اهااا بفتكر

حسام : لا متفتكرش

حمزة : احم شوفت الفيس انهارده ؟؟

حسام باستغراب : اه ليه ؟؟

حمزة بابتسامه بلهاء : طب افتح تانى كدا ...اصل حور عملالك مفاجاة

ليعتدل حسام ويمسك هاتفه بسرعه و يفتح ليجد اب*ع صورة له موجوده على جميع الجروبات والبيدجات على الفيس بوك ... ليندهش و ينهض بسرعه ويتجه ناحيه بابا غرفته و يقول بتهديد

حسام بغضب : اما وريتها مبقاش انا حسام

ليضحك حمزة بشده على صديقة ثم ينهض ليخرح برق و يضعه فى دولابه و يتجه خلف صديقه ليرى ماذا سيفعل فى اخته ؟؟

*****************

يوصل زياد جورية لباب جامعتها لتنزل و يذهب بعد اطمنانه انها دخل بابا جامعتها ليتجه لعمله .

لتدخل جورية من الباب و عند اقترابها من مبنى الذى ستحضر بيه سيكشنها يقف فى طريقها احد الشبان ليقول بابتسامه

على : مجتيش بعربيتك ليه انهارده !؟. ليه زياد وصلك ؟؟