CHAPTER 31
Nang basahan ako ng aking hatol ay naroon ang aking pamilya at ang pamilya ng nagsakdal sa akin. Hindi pa man sinasabi ang hatol sa akin ay alam ko na. Napaghandaan ko na. Hindi inaalis sa ang mga mata ko kay Eldrin habang binabasahan ako ng aking hatol. Gusto kong makita niya sa lumuluhang mga mata ko ang sakit ng ginawa nila at ng kanyang pamilya sa akin lalo pa’t alam niya ang buong nangyari nang gabing iyon.
Nang marinig ko ang hatol na reclusion perpetua o habangbuhay na pagkakabilangggo dahil sa tatlong ikinaso nila sa akin ay alam kong hindi na iyon mababago pa sa hanay ng kasalukuyang hukom. Tumingin sa akin si Eldrin. Dahan-dahan akong yumuko. Lumuluha dahil alam kong wala na ang aking kalayaan. Hindi na ako makalalabas pa dahil sa
