CHAPTER 13
Nang lumabas ako ay hindi sina Papa, Mama at kapatid ko ang dumating. Hindi rin ang aking abogado. Si Eldrin ang nakita ko, ang sinasabi nilang biktima ko.
Mula nang nangyari ang eskandalo sa hotel ay ngayon lang kami muli nagharap. Higit isang buwan na rin ang nakararaan. Isang buwang umasa ako at naghintay na sana magkita at magkausap kami. Oo naghintay ako pero sa ilang Linggo na walang Eldrin ang dumating, natuyot ang aking pag-asa. Kaya nga ngayon na magkaharap kami at hindi pa rin ako makapaniwala. Pero bakit ngayong nandito siya ay parang ang hirap para sa akin na siya ay harapin?
Sandali kong pinagmasdan siya. Huminto muna ako. Pinuno ko ng hanging ang aking baga. Hanggang sa nagkahulian na ang aming mga mata. Nakita na niya ako. Ilang dipa pa ang layo ko sa kanya nan
