CHAPTER 25
“Mukhang may nangyayari yata sa loob na gusto mo sa aking ipagtapat ah.” Bungad sa akin ng Warden. Seryoso ang mga mata nito na nakatitig sa akin. Alam kong may CCTV sa mga pasilyo at maaring napag-aralan niya na kung saan ako nagpunta, saka napatay ang tatlong biktima.
Hindi ako sumagot.
“Hindi ka ba sa akin aamin?”
“Wala akong aaminin.” Matigas kong sagot. Magkamatayan man, wala akong sasabihin.
“Matibay ka na nga talaga. Na-underestimate kita bata.”
“Ano bang alam mo?” Sinadya kong hindi na gumamit pa ng Sir. Wala nang pag-sir pa kung ganitong wala naman paggalang sa karapatan ng tao sa mundo. Nagbago na nang tuluyan ang tingin ko sa lahat ng bagay.
“Pinatay
