CHAPTER 23
Bumalik na lang ang aking malay nang nasa hospital na ako at guwardiyado ng mga armadong jail guards. Halos isang araw lang din akong nakaratay sa hospital. Pagkaraang makumpirma na okey na ako at natahi na ang aking mga sugat ay ibinalik na rin lang ako sa kulungan. Si Ricky ang tahimik at matiyagang naglilinis sa sugat ko at nag-alaga sa akin. Isang tanong, isang sagot lang siya sa akin at walang ibang laman ang usapan namin kundi tungkol lang sa sugat ko at pagkaka-hospital. Natukoy at kilala niya kung sino ang mga gagong gumawa sa akin no’n at nakalista na sila sa aking utak. Babalikan ko ang ga walang hiya kung okey na ako at may pagkakataon.
Dumating ako sa korte na puno ng pasa ang aking mukha at may benda pa ang aking mga sugat. Hindi ko hinayaan maipaliban ang huli at
