Chapter 21
EUNICE
“Kanina pa kita tinatawagan. Hindi mo sinasagot ang tawag ko,” bungad sa akin ni Adely nang tawagan ko siya.
“Pasensya na dahil naiwan ko kasi ang cellphone ko kanina. Kumusta, naibigay mo na ang pera kay Tita?’’ tanong ko sa kaniya.
“Oo, ayaw niya nga sana tanggapin, pero sabi ko na lang na bayad ko iyon sa hiniram mo. Ang hirap intindihin kapag matandang dalaga, pero huwag ka mag-alala dahil inaalagaan naman ni Tita Mary Ann ang Mama mo. Kumusta ka na riyan?”
Nakahinga ako ng maluwag sa sinabing iyon ni Adely sa akin. Alam ko na hindi tatanggapin ni Tita ang pera kapag nalaman niya na sa akin iyon galing.
“Salamat talaga, Adely. Sa iyo ko na lang siguro ipdala ang pera dahil alam ko hindi iyon tatanggapin ni Tita kapag nalaman niya na sa akin nanggaling iyon. Sinu
