Pagkauwi ni Sanaya ay nakitang naghihintay ang ate Sandra niya. Masama ang tingin nito sa kaniya. Batid na niyang galit ito dahil sa hitsura pa lamang nito. "Saan ka galing?" pagalit na tanong nito.
"Ate, sa—sa—a kaibigan ko po,” nanginginig na tugon rito. Hindi kasi siya magaling magsinungaling rito. Buong buhay niya ay ngayon lamang siya magsisinungaling sa ate Sandra niya dahil kay Marcus.
"You’re lying!” sigaw nito na hindi naniniwala sa palusot niya. “Saan ka galing?” muling tanong nito.
Nahintakutan si Sanaya dahil sa nakikitang inis at galit sa mukha ng kapatid. “Totoo po Ate, galing ako sa kaibigan ko,” aniya na pilit tinuwid ang dila para hindi halatang nagsisinungaling siya.
Ngumisi ito sa kaniya. “Kilala kita Sanaya, mula sa dulo ng buhok mo hanggang sa dulo ng talampakan m
