C-Vaccine30, iyon ang pangalan ni Doctor Mike Pineda sa gamot na kanyang sinasaliksik upang maiwasan ng mga tao ang pagiging isang zombie. Vaccine na kagaya sa Covid-19 ay walang kasiguraduhan si Elli kung tatalab ba iyon o mas magiging kagimbal-gimbal para sa kanila ang magiging resulta.
Matapos ipakita ni Doctor Pineda ang bagay na iyon sa kanila ay agad itong namili sa kanilang apat kung kanino nito ituturok ang gamot.
“Hmm…” Isa-isang tiningnan ni Doctor Pineda ang mga bata. Sinuri niya ang mga iyon na para bang namimili siya ng putahe sa karenderya. “Alam niyo ba kung bakit kayo ang napili namin?” tanong niya sa mga bata, ngunit kagaya kanina ay walang sumagot. “Dahil hindi ko pa ito nasubukan sa mga bata. Who knows? This time ay gumana na pala. You are young, fresh, and healthy.”
