Hindi pa kami makaalis-alis sa race track dahil may iba't ibang tao pa ang kumausap kay Qino. May mga nang-interview rin sa kanya katulad ng media at ibang vloggers na nandito. Nandito rin pala iyong mga co-club members niya, at nandito lang pala sila sa paddock.
Mas maganda pala rito dahil pwede ka talagang lumapit sa track para makita mo nang malapitan ang mga sasakyang nagri-race. Though, sarado ang gate nito kapag nagsisimula na. Pero at least, malapit pa rin. Hindi tulad do'n sa grandstand na ang layo-layo namin. Nandito rin pala iyong mga race mechanics, at dito nila chine-check ang mga sasakyang gagamitin.
Ba't kasi hindi kami dito dinala ni Qino? Hindi siya nag-secure ng spot para sa amin? O baka wala nang available spot dito nang magtanong siya dahil wala naman talaga siyang bal
