Kelvin's Point of View :
Isang linggo na ang nakakaraan mula nang sumalakay ang mga Hunters sa Foundation at ngayon nga ay nandito kami sa isang sementeryo para gawin ang isang misyon na ibinigay ni Sir Bernard sa amin. Ewan ko nga, eh. Sa napakaraming lugar dito sa Mazoria ay dito pa sa isang sementeryo kami pinadala.
" Ano ba ang hinahanap natin dito, David? " nagtatakang tanong ni Moises kay David.
Pati ako ay hindi ko rin alam kung ano ang ginagawa o hinahanap namin dito. Bigla na lang kasing pumasok si David sa aming kwarto kanina at agad niya kaming inutusan na maghanda dahil may misyon kaming tatlo. Kaya heto, para kaming bata na sumusunod sa aming ama.
" Ang sabi ni Boss, may nadetect daw na kakaiba ang sementeryong ito kaya ang gagawin natin ay imbestigahan ang buong lugar, "
