Hulog
KAMILA
Napapailing na minasdan ko ang dalawa na sila Phoebe at Ate Karla. Wala silang kakilos-kilos at parehong mahimbing ang tulog. Sila ‘tong nagsabi-sabi na maaga kaming gumising para makalangoy pero mga tulog pa rin.
Hindi ko rin sila masisisi, mga nag-party sila kagabi pero ako ay hindi na sumama. Mas pinili kong matulog at magpahinga. Masyadong napagod ang puso ko sa pagpapakilig ni Theo.
Hindi na rin naman ako pinilit ni Ate Karla nang mabanggit kong tatawag si mommy sa akin. Malamang kasi alam niyang mapapauwi lang siya agad kapag nasa tabi ko siya ‘pag tumawa ang mommy.
Pero hindi pa rin naman tumawag si mommy. Nag-text lang at nagtanong tapos hindi na nagtawag. Ganoon din ang daddy, hindi nga rin nag-video call, baka busy sa trabaho.
Inipit ko ang buhok ko at kinuh
