صراع اسياد الصعيد

الحلقة التانية

الحلقه الثانيه

مهيب وصل لعربيته اللي مصطفي سابها ليه ركبها وطلع علي الشركه كلم مصطفي وعرفه انه بعد نص ساعه هيكون في الشركه يقا**ه علي هناك علشان يبدأ شغل وبالفعل مهيب وصل مقر الشركه ودخل وصل مكتبه علطول واتفاجي بمصطفي وصل قبله ومستنيه ..

مصطفي بإبتسامه : نورت شركتك يا باشمهندس بس مستعجل علي الشغل ليه كده انا قولت هتقعد انهارده مع ماما ناديه واستحاله تخليك تنزل وتسيبها ؟!

مهيب: عادي اتخنقت ومش حابب جو البيت هناك انا بفكر اقعد في فندق فترة لحد ما اشوف شقه في مكان كويس اقعد فيه ؟!

مصطفي : كلامك بيدل انك اتخانقت مع حد فيهم في البيت ..؟

مهيب نفخ بضيق : شايفني لسه واصل ومش مستحمل كلمه وفي ثواني فتحوا موضوع الجواز ...الموضوع اللي بسببه خلاني سبتلهم البيت والبلد كلها علشان ارتاح من زنهم ...وبنرفزه * حاسس اني غلطت لما رجعت من السفر مش كفاية كل الذكريات اللي عماله تهاجمني من ساعه ما نويت انزل البلد دي .. هو ليه محدش حاسس بيا ولا بنار اللي جوايا عايزني اتجوز وافرحهم وانا عادي عندهم مبسوط بقي مش مبسوط المهم اني اعمل اللي علي مزاجهم ..

مصطفي : ولو قولتلك انا مؤيد رأيهم وان ده حقهم عليك يشوفوا ابنهم الوحيد متجوز وحياته مستقره ..انت مبقاش ناقصك حاجه ليه مابتنساش الماضي وتفتح صفحة جديده مع واحدة تقدرك.

مهيب بوجع من ماضية : عايزني احب واحدة وبعد كده تمشي وتسبني من غير سبب لا مش هيحصل مش هسلم قلبي ل اي واحدة تاني انا خلاص اكتفيت وياريت بعد ازنك يا مصطفي ماتتكلمش في الموضوع ده علشان نفضل صحاب ..( اتكلم بجديه ) حضرلي اجتماع علشان الاستاذ طلعت هيجي بعد شويه علشان نشوف شغلنا ...

مصطفي بإستسلام : تمام بعد اذنك!

مهيب : اتفضل ..

مصطفي خرج ومهيب انهار علي اقرب كرسي غمض عنيه لقي ضحكتها بتهاجمه كز علي انيابه بعصبيه ومسك دماغه بإيده وتكلم بتعب : امتا هتطلعي من دماغي بقي ، امتا هرتاح منك ،ومن عذابك ...حس انه انفاسه بضيق وبينهج بصوت مد ايده بسرعة في جيبة وخد البرشامه اللي متعود عليها وبعدها غمض عينه ورجع لذكرياته من تاني لماضي بيهدد كيانه وبيعذبه بأب*ع الطرق ...

فلاااش بااااااااااااك

مهيب بعد ما ملك ركبت الفزبه خدها وراحوا مكانهم المفضل علي النيل ومسك ايدها باسها بحب خلاص الحمد لله كابوس الشغل وخلاص اتحل ودي بدايه كويسه يعني دلوقتي اقدر اتقدم وانا مطمن وفي خلال سنة تكوني منورة بيتي !!

ملك بفرحة : عارفه انك قد كلامك و وعدك ليا وانا كمان عند وعدي اني هفضل معاك طول العمر ومفيش حد يقدر ياخد مكانك ...

مهيب ابتسم : انا واثق من ده ..بس خوفي كله من ابوكي انا صحيح حالتي الماديه كويسه بس مقارنه بيني وبينكم ولا حاجه بس صدقيني انا هعمل كل اللي اقدر عليه ومش هقصر و....وقبل ما يكمل كلامه اتفاجي بإيد ملك علي شفايفه بتحاول تسكته

ملك : اشششش انا عندي استعداد اقعد معاك في عشه بس اكون معاك انت ومراتك انت ويكون عندي اولاد منك انت صدقني دي كل احلامي انت وبس ..

مهيب ابتسم : وباس ايدها بحب وبص لعنيها بتركيز وهي توترت وسحبت ايدها بسرعه وحبت تغير الكلام ...

ملك : يعني اكلم بابا وابلغه انك انت و اهلك عايزين تزرونا ؟!

مهيب بتنهيده : انا النهارده هفتح الموضوع مع بابا واحدد ميعاد وابلغك تقوليه لباباكي ..

ملك بفرحة : تمام ..قعدوا يخططوا هيعملوا ايه في الايام الجايه وهما مبسوطين والفرحة باينه علي وشوشهم اتغدوا مع بعض وبعدها رواحها علي بيتها واستناها لما تطلع وتشاورله ...مهيب بعتلها بوسه في الهواء وسابها ومشي وصل المنطقه عندهم لقي مصطفي صاحبه في وشه ..

مصطفي بغيظ : كنت فين وموبايلك مقفول ليه ؟

مهيب : ما انت عارف لما بكون مع ملك بقفل الموبيل ونسيت افتحه !

مصطفي بغيظ اكتر : ملك !! بقي انا هنا قاعد علي اعصابي ومستنيك اشوفك عملت ايه في مقا**ه الشغل وانت مع الست ملك !!

مهيب ماعجبهوش طريقة كلامة : في ايه يا مصطفي بتتكلم كده ليه وفيها ايه لما ابقي مع ملك ؟

مصطفي : فيها انها كلت عقلك خلاص ومخلياك بقيت اعمي ومهووس بيها، وفهمك بقي علي قدك انت عارف هي فين وانت فين انت مش شايف فرق العيشه اللي بينكم ..

مهيب بنرفزه : كلمه زياده وهنسى انك صاحبي ...يارب تفهم انا وملك بنحب بعض ومش بنفكر غير في بعض ولا في دماغنا فرق مستوي ولا عيشه ولا اي زفت اطلعوا انتم من حياتنا وسبونا براحتنا...

مصطفي بصله بصدمة : ماشي هطلع سلام يا صاحبي ! بس كلمه اخيره البنت اللي تتراهن عليك مع صاحبتها وتشوف مين فيهم اسرع اللي توقعك وتخليك تحبها تبقي عمرها ما حبت علشان لو حبت بجد مكنتش شافتك لعبة وحبت تتسلي بيها قال كلامه وسابه ومشي.

و مهيب كز علي انيابة بعصبيه وطلع البيت قابل مامته عملت ايه يابني طمني..

مهيب : كل خير يا ماما الحمد لله هروح استلم شغل من بكرا ..

ناديه بفرحة : الحمد لله ربنا استجاب لدعايا عقبال اليوم اللي اشوف فيه احلي عريس...

مهيب ابتسم : طيب بمناسبة الدعوة الحلوة دي فأنا فعلا حابب اكون عريس شدي حيلك معايا بقي علشان نفاتح بابا في الموضوع بتاعي انا وملك ويطلع موضوع بنت اخوة ده من دماغه ..

ناديه : طيب هفتح معاه الموضوع وربنا يستر ..

مهيب باس ايدها : تسلميلي يا نودي يا غاليه..

ناديه ضحكت : ايوا مابدلعنيش كده غير لما يكون ليك مصلحة

باليل علي العشا ناديه بلغت فخر بشغل مهيب الجديد وهو باركله وبعدها نظرات مهيب ل أمة خلاها اتكلمت وكمان في موضوع تاني يا حاج ..

فخر : بصلها موضوع ايه ؟

ناديه بإرتباك : مهيب عايز يخطب !

فخر ابتسم : وماله ده يوم المني انا عن نفسي كنت عايزا اخطبله من سنة فاتت بس هو كان رافض وقال لما خلص جامعة واستقر في وظيفة ودلوقتي حقه ...

مهيب متابع في **ت ومستني امة تفجر القبنله..

ناديه : طيب مش عايز تعرف هو عاوز يخطب مين ؟ علشان تسأل علي اهل البنت وكدا..

فخر : ونسأل ليه ما هي العروسه معروفه هو هيلاقي ف جمال بنت عمة وادبها وتربيتها...

مهيب هنا اتكلم : انت عايزني اتجوز عيلة يا حاج عندها 17 سنة ليه شايفني عيل زيها!!

هنا فخر بصله : ولما بنت عمك عيلة ومش عجباك انت بقي عايز مين ؟

مهيب: انا معجب ببنت اصغر مني في الجامعة مهندسة زيي ومن عيله كبيرة في البلد وكويسة جداا ويعتبر مفيهاش غلطة

فخر : اه قولتلي بقي طيب بما انك مرتب كل حاجه مع نفسك وواخد قرارك بتكلمني ليه اتفضل روح اتقدملها وربنا يهنيك قال كلامه وقام وسابهم مكملش اكله ..

مهيب نفخ بضيق وامه بصتلة تطمنة انها هتتصرف ومايقلقش..و قامت وراء جوزها..تتكلم معاه..

ناديه : مالك بت**ر فرحت ابنك ليه هو عمل ايه يعني..

فخر : بصلها وسكت متكلمش ...وهي كملت مهيب حكالي عنها من فترة وقالي انه بيحبها واتفق انه مش هيفتح الموضوع غير لما يشتغل ويعتمد علي نفسة..وبعدين هو مش صغير وعارف مصلحة كويس ..ومش هتغصب عليه يحب مين ويكره مين !!

فخر : والمطلوب مني ايه ..

ناديه : توقف جنبة وتشوف ايه الحاجة اللي هتسعده ايه ونروح نخطبلة البنت اللي بيحبها ..

فخر وافق خصوصا لما ملقاش سبب للرفض وانه مش هيقدر يغصب علي ابنة حاجه هو مش عايزها ... مهيب حدد معاد مع ابو ملك وفعلا راحوا علي المعاد وهناك حسين طلب طلبات كتيرة طلبات تعجز مهيب وكان فيها احراج واهانة واضحة ل ابو مهيب اللي قام مرة واحدة خد ابنه ومراتة ومشي واول ما وصل البيت قلب الدنيا وحلف ميت يمين انه ما يدخل في حاجه لو خد البنت دي ...

مهيب بجمود دخل اوضتة وساب امة تتصرف مع ابوه وتهدية ..ملك مابطلتش رن علي مهيب وهو باصص للموبيل وملامحة جامدة واكتشف ان فعلا انهم مش هينفعوا يكملوا مع بعض ..الموبيل بيرن بإستمرار وهو مابيردش نهائي وبيفكر هيعمل ايه يا تري عندة الجراءه انه ينهي الموضوع وكل واحد يروح لحالة فضل صاحي لحد الصبح عقلة واخد القرار بس قلبة رافضة نهائي صوت جرس الباب رن وناديه راحت تفتح واتفأجت بملك قدامها معيطة وبتسالها عن مهيب ..

نادية بإستغراب من جرائتها : ملك انتي جايه هنا لوحدك ..

ملك : اه يا طنط ممكن اشوف ..مكملتش كلامها ولقت مهيب قدامها واول ما شافها مسك ايدها ودخل بيها علي اوضتة كل ده تحت صدمة أمة ..

ملك بعياط : مهيب انا أسفه علي الكلام اللي بابا قاله..

مهيب بجمود : عادي ابوكي مقالش حاجة هو اتكلم علي حسب امكانيته وظروفة بس اللي اعرفه انه عارف ظروفي كويس وكونه يطلب ويتكلم بالشكل اللي اتكلم بيه فهو كان عايز يوصل رساله معينه وانا فهمتها..

ملك : فهمت ايه ؟

مهيب : اننا مننفعش مع بعض انتي ليكي حياتك الخاصة وانا ليا حياتي وللاسف مش هقدر علي طلبات ابوكي يبقي ملهاش لازمه نفضل مع بعض..

ملك بصاله بصدمة : انت بتقول ايه !! انت اللي بتقول الكلام ده يا مهيب انت !! انت اللي قولتلي انك معايا ومش هتتخلي عني في يوم لا واضح فعلا انك حبتني وعلشان كده من اول جولة بتستسلم وبتبعني شكرا بجد.

ولسه هتمشي مسك ايدها : انتي عارفه اني عمري ما هبيعك ولا هتخلي عنك بس في حاجات بتكون فوق طاقتي انا راجل ومش هسمح حد يقلل مني وانتي ابوكي كان بيرفضنا والرفض كان واضح في كلامة ده يعتبر عايرنا بفقرنا.. عايزاني اعمل ايه ...

ملك : نتجوز ونحطة قدام الامر الواقع احنا مش صغيرين علشان نسيب حياتنا لحد يتحكم فيها

مهيب سكت للحظة ونفخ بضيق هي بتشتريه وهو مايقدرش يبعها ..شاف دموعها وعنيها اللي حمرا من العياط قلبة رق ليها وشدها لحضنة وهو بيمسح علي شعرها : طيب اهدي وبطلي عياط واكيد كل حاجة وليها الف حل ..

ملك حست برعشة خفيفه اول ما ضمها لحضنة غمضت عينها حست بالامان وهي جو حضنة وسامعة ض*بات قلبة رفعت دماغها وبصتلة وعنيهم اتقابلت مع بعض وانفاسهم اختلطت ببعضها.. مهيب عنيه مركزه علي شفايفها ولسه هيقرب الباب خبط وهما الاتنين اتنفضوا ..

نادية بضيق : مهيب ....

مهيب رد بصوت مبحوح ومتلغبط : ايوا يا ماما وجري علي الباب فتحة ...مهيب فهم قصد امة من نظراتها ..فمسك ايد ملك هنزل اوصل ملك و راجع قال كلامة وهرب من قدامها ...

ناديه حست بقلبها بيتقبض وخافت علي ابنها من ملك شافتها جرئيه زيادة عن اللازوم وابنها شبة مغيب بيها نفخت بضيق وحست انها غلط بتدعم ابنها بس الجوازه دي شكلها غلط في غلط..

مهيب وصل ملك البيت وهي بصتلة بترجي مش هتتخلي عني يا مهيب هتحط ايدك في ايدي ونتجوز ونعيش حياتنا..

مهيب: بصي يا ملك انا هعمل المستحيل علشان تكوني ليا الا اني اعمل الغلط احنا مش عاملين عامله انا وانتي علشان نتجوز من وارء اهلينا انا ابويا وامي ممكن يروحوا فيها خد نفس طويل بس بردو في المقابل مش هتخلي عنك واكيد هيظهر ليها حل واعتقد انك ليكي كلمة مسموعة مع ابوكي يعني ياريت تتكلمي معاه وتخليه يخف في طلباته شوية ...

ملك : هيحصل !! قربت منه باستة من خده وبعدها جرت علي الفيلا ...

مهيب ابتسم وفضل مستني لحد ما شاورتلة وبعدها ركب الفيسبا روح علي البيت لقي أمه مستنياه عرف ان الموضوع مش هيعدي بالساهل..

نادية : مهيب !

مهيب : خير !

نادية : انت شايف اللي حصل النهاردة ده خير !! احنا ساكنين في منطقة شعبية يعني ظهور ملك وهي جايه ليك بدري كده وطالعه شقتك وكمان سيادتك تاخدها اوضتة نومك ايه مفيش احترام خالص

ابوك لو كان هنا وشاف المهزلة دي كنت هتقولة ايه ؟

مهيب : هقولة انها بتحبني ودورت علي زعلي وجت لحد بيتي وقالتلي انها مش عايزة غيري وطول ما هي عايزاني انا مش هبقي عيل واتخلي عنها ...غير اني بحبها ومفيش بنت في العالم كله تقدر تاخد مكانها في قلبي ..مسك ايد امة ماما انا لو مخدتش ملك انا ممكن اموت ..

ناديه بغضب : اسكت وبطل تجيب سيرة الموت دي تاني يابني حبك الزيادة ده غلط انا مابقولش متحبهاش بس خلي حبك ليها في المعقول ويكون بعقل لكن انت لغي عقلك خالص وماشي وراء قلبك اللي هيضيعك ..ملك لا هي زينا ولا من توبنا ومش هتستحمل عيشتنا !!

مهيب : يا ماما افهمي ملك بتحبني ومستحمله مني حاجات كتيرة ..

نادية : كل البدايات بتكون حلوة وسهلة العبرة في النهاية فكر كده الحب اللي بتتكلم عنه ده هيفضل مكمل معاك للنهاية ولا لاء هينهار من اول مشكلة تقابلك ولا لاء العبرة مش بالبدايه يا مهيب ركز تفكيرك كلة في النهاية ..

بااااااااااااااااك

مهيب فاق علي كلمة النهايه وفعلا كانت النهايه متوقعه بس هو مكنش شايفها الكل حذره بس هو كان لاغي عقلة

السكرتيره : مهيب بيه الاستاذ مصطفي طلب مني ابغلك ان طلعت بيه وصل ومستنينك في قاعه الاجتماعات ..

مهيي هز دماغه : تمام روحي انتي !

في مكان اخر وبالتحديد في محافظه " دمياط "

بتجري سهيله علي اختها حنين تبلغها ان مهيب وصل من السفر ..

سهيله : حنييييين

حنين بخضة : في ايه بتزعقي كده ليه ؟

سهيله : عندي ليكي خبر بمليون جنية

حنين : اللي هو ؟!!

سهيله : سمعت عمك فخر بيكلم بابا وقاله ان مهيب رجع من السفر ..

حنين بدقات قلب سريعه بس اتكلمت ببرود : طب أنا مالي يرجع ولا مايرجعش ده يخصني في ايه !!

سهيلة لوت شفتها بتهكم : مش المفروض خطيبك وعمك محدد مع بابا ان اول ما مهيب يرجع من السفر هتتجوزا

حنين : مين قال اننا هنتجوز انا اصلا قلت اني مش موافقة علي الجوازه دي ف مايهمنيش اعرف حاجه عنه ...وكمان انا ايه يغصبني اكمل حياتي مع واحد معقد زي ده!!

سهيلة بخبث : نفس السبب اللي مخليكي لحد دلوقتي قاعده مستنياه وقلبك اللي بيرقص من الفرحه لما قولتك انه رجع من السفر ..بلاش تضحكي علي نفسك انا اختك وعارفاكي كويس وعارفه انك بتحبيه من ايام الثانوي ايام ما كان بيجي مع باباه ياخد الخشب وتصدقي تيجي فرصه علشان تقعدي تتكلمي معاه ايه نسيتي كل ده علي العموم القرار في ايد ابوكي وجدك اللي اسرارك كلها معاه ومش بعيد يكون هو اساسا صاحب الفكرة ...سهيلة قالت كلامها ومشت وحنين انتبهت علي اخر جملة ..معقوله يكون جدي فعلا هو عرض عليهم الجواز للدرجادي يا جدي هونت عليك يعني دي جزاتي اني فعلا بحكيلك اسراري..عضت علي شفايفها بعصبية وطلعت ل جدها تتكلم معاه.....

ملك خلصت الحفله مع بنتها وبعدها خدتها اشترتلها حاجات كتير علشان ماتديش فرصة ل بنتها تفكر كتير وبعدها طلعت علي باباها في الفيلا

صباح قابلت ملك بفرحة : اهلا بست البنات..

ملك بإبتسامة : ازيك يا داده بابا هنا ؟

صباح : في المكتب مع مايا هانم ..

ملك لوت شفتها : من امتا وهي بقت هانم طيب يا داده خدي مليكة لعبيها شوية علشان عايزا بابا في موضوع مهم

صباح : عنيا ل ست مليكة ..

ملك : تسلمي يا داده ...مليكة مشيت مع صباح وهي بصت علي مكتب بابها وراحت خبطت ..ودخلت ...

حسين بإبتسامة ملك ايه المفاجاة الجميلة دي

ملك بصت ل مايا اللي حاطة رجل علي رجل بإحتقار واتكلمت اه فعلا جميلة ..ممكن اتكلم معاك شوية لوحدنا بعد اذنك ..

حسين : طبعا حببتي تعالي اقعدي محدش غريب ..

ملك : لا معلش لوحدنا..

مايا بدلع علشان تستفز ملك : خلاص يا بيبي انا طالعة اوضتي اخد شاور وانت متتأخرش باي.. قالت كلامها وطلعت وقفت علي الباب علشان تسمع كلامهم

حسين : مالك يا ملك فيكي ايه

ملك : عايزا اطلق من شريف!!

حسين بصدمة : نعم !! انتي واعيه للكلام اللي بتقوليه ده انتي اجننتي !

ملك : لا انا عقلت وخلاص خدت قراري وهتساعدني فيه..

حسين : انسي ...شريف لحمه مر استحاله يقبل بقرار زي ده وبعدين عايزة تتطلقي ليه ناقصك ايه عايشه عيشه الملوك مفيش حاجه بتعوزيها غير لما بتكون تحت رجلك مجرد ما بتروحي مكان وتنطقي اسم جوزك بتلاقي الكل يعملك تعظيم سلام ايه ناقصك تاني...

ملك بعصبية : ناقصني راجل !! ايوه راجل يقدرني مش واحد بشوفه اخر اليل جاي يطوح وريحه برفان الحريمي علي هدومه كل يوم ريحة شكل بقي انسان مق*ف مبقتش طيقاه وزي ما طلقتني من غيرة هتعمل معاه كده..

حسين : وانا مقدرش اقف في وش شريف واخسر شغلي معاه علشان شوية تفاهة منك ..

ملك بصدمة : عادي عندك تخسرني انا لكن هو وشغلك معاه لا ... ضحكت بهستريه

وكمان مسمي كلامي تفاهة ..... بقولك بي**ني وكل يوم مع واحده وانت في الاخر تقولي تفاهة..شكرا بجد يا بابا علي وقفتك جنبي بس عمري في حياتي ما هسامحك علي اللي انت عملته معايا واللي لسه بتعملة ..قالت كلامها وخدت بنتها وروحت بيتها بتعب عيطت من قلبها علي غبائها وازاي ضيعت حب عمرها ازاي كانت قاسية اوي كده ..

شريف دخل لقاها بتعيط نفخ بضيق : ايه مالك انتي مابتزهقيش من العياط والنكد قنبلة نكد ساكنة معايا في البيت ..

ملك بصتلة بعصبية: ابعد عني وملكش دعوه بيا ..

شريف : امال ليا دعوه بمين وبيقرب منها زقته بعيد ....ممكن تبعد مش طيقاك ولا طايقه ريحتك ...

شريف كز علي انيابه من رفضها قرب مسكها من دراعتها جامد : تعرفي اني بحبك وانتي مش طيقاني كده زقها علي السرير وهي مهما تحاول تبعده مقدرتش عليه....شريف مقبلش علي كرامته الرفض منها ويسكت لا لازم ياخد حقة بالقوة ..ملك اعصابها سابت واستسلمت تماما اتمنت الموت لدرجة خلتها فكرت في الانتحار بس بنتها ملهاش حد غيرها ازاي هتتخلي عنها مش كفاية حرمتها من ابوها..

شريف خلص مهمته وقام بصلها بق*ف : بليل في حفلة رجال اعمال اعملي حسابك هبعتلك الفستان علشان تكوني جاهزة ... الحفلة دي مهمة قوي لشغلي اي غلط منك هتكون حياتك وحياة بنتك التمن كلامي مفهوم

ملك بصتلة بصدمة ...وهو كرر كلامة بحدة وصوت رعبها ..

ملك بخوف من شكلة : مفهوم !

طلع وسابها وهي كملت عياط علي حظها

وبتلعن في غبائها الف مرة ...

في قاعة الاجتماعات مهيب خد طلعت بالحضن وسلموا علي بعض سلام حااار

طلعت : فرحان اني شوفتك يا صاحبي ايه مستعجل علي الشغل ليه ؟

مهيب : الشركة جديدة ومش ناقصة رخامه من اولها..

الكل ضحك وقاعدوا يشتغلوا وبعد وقت طويل ..خلصوا الشغل ..

طلعت كده تمام نمضي بقي ال*قود هتكون شراكة خير بينا ..

مهيب ابتسم : اتمني

مضوا ال*قود وكل حاجة خلصت..

طلعت : هستأذن انا بقي علشان عندي معاد مهم وانت يا مهيب ماتنساش حفلة بليل هتكون مهمة قوي ليك علشان تعرف تثبت نفسك في المجال كويس والناس تعرفك اوعي تتأخر ...

مهيب : اكيد طبعا هكون موجود...

يتبع....انتظرو الحلقه القادمه

في الحلقه القادمه المقا**ه المنتظره بين مهيب وملك وزوجها

# # # # # # # # # # # # # # # # # # # # # # # ## # # # # # # # # # #