الحلقة السادسة

2344 Words

الحلقه السادسه مهيب بعد كتب كتابه لقي نفسه مخنوق قام ركب عربيتة وخرج من البيت فضل يلف كتير في الشوارع لحد ما قرر يروح يشوفها كلم طلعت وسأله علي عنوان شريف.. طلعت بإستغراب : ليه بتسأل عليه ليه هو انت تعرفة ؟ مهيب بغضب مكتوم : مكنتش اعرفه بس عرفته خلاص ..وجه دور تصفيه الحسابات... طلعت : حسابات ايه يا مهيب ما تفهمني انت عارف شريف ده يبقي مين ده غول مابيهمهوش حد ، ايه اللي بينك وبينه علشان يكون في حسابات من الاساس مهيب: خد مني حياتي يا طلعت دمرني سرق كل حاجة حلمت بيها وبَنتها وهو جه بكل سهوله وهدها حاجات كتيره اوووي كان نفسي فيها وبسببه هو محققتهاش وتقولي ايه اللي بينك وبينه !! طلعت بيجمع الاحداث في دماغه افتكر تعبة في الحفلة اول ما شاف شريف ومراته انت تقصد ايه باللي بتقوله ده يعني شريف هو اللي اتجوز مراتك .. مهيب بعصبية : اه هو اللي متجوز زفتة عايز ادمرهم يا طلعت عايزهم يتعذبوا زيي عايز حقي منهم .. طلعت : اهدي يا مهيب ومتخليش غضبك وروح الانتقام تعمي عنيك عيش حياتك وسيب انتقام علي ربنا هو قادر يجبلك حقك منهم .. مهيب : حقي هاخده بإيدي وبنفس طريقتهم ابعتلي العنوان في مسج وملكش دعوه انت ... طلعت : عايز العنوان تعمل بيه ايه ؟! وايه اللي انت بتفكر فيه عرفني .. مهيب : بعدين هقولك هقفل انا وهستني العنوان ... مهيب فصل مع طلعت بعتله مسج فتحها وبعدها شغل عربية ومشي بيها لحد ما وصل عند بيت شريف نزل شاف الفيلا ابتسم بسخريه عرف انه مهما كان يعمل عمره ما كان هيقدر يعيشها العيشه دي اتكلم بوجع اه يا ملك كان عندي استعداد اشتغل 24 ساعة كاملين بس تكوني جنبي وفي حضني وماتسبينيش ولا توجعي قلبي الوجع ده كله فضل باصص علي الفيلا بغل وكره لحد ما شاف مايا نازله من العربيه بتاعتها وداخله الفيلا من الباب الخلفي مشي وراها يراقبها لحد ما شافها في حضن شريف طلع موبيلة بسرعة وصورهم وعلي شفايفة ابتسامة بالانتصار هو ده اللي انتي اختارتيه وفضلتيه عليا يا ملك ياااه خدتي فعلا اللي شبهك وقف فكر شوية بس يا تري ملك فين والاستاذ جايب واحده البيت كده..؟ رجع البيت الفجر بعد ما جمع كل معلومة عن شريف دخل اوضته وخد الدواء بتاعة وقعد علي السرير وربع ايده تحت دماغة وهو بيفكر في كل اللي شافة النهارده وعرفه وكز علي انيابه اكتر لما عرف ان ملك خلفت بنت منه وسمتها مليكه ده مش بس سرق منه مراته لا ده سرق كل احلامه كل حاجه هو حلم بيها مع ملك هو خدها هو رسم وحلم وخطط وكل ده اتنفذ لحد تاني وهو فرحة ات**رت وهي كملت حياتها كرهه كل يوم بيزيد ل ملك هو مايستحقش منها كده دي لو قاصده تدمرة مش هتعمل فيه كده ... بس مبقاش انا مهيب ان ماخلتكم تدوقوا نفس عذابي وكل اللي مريت بيه !! حاول ينام معرفش كوابيس كتير بتهاجمه ...ملك ، شريف ، الماضي بكل حزفيره صحي وهو بينهج بصوت عالي وكانه بيصارع الزمن قام اتعدل وهو بياخد نفسة بالعافيه الباب خبط... فرح بإبتسامة : ممكن ادخل .. مهيب هز دماغة وهي دخلت شافته مجهد وشكلة تعبان ..مالك يا مهيب فيك ايه وليه صوت نَفسك عالي كده .. مهيب : مفيش كنت بحلم بكابوس بس .. فرح : وده سبب كافي يخليك تنهج بالشكل ده ما كلنا بنحلم بكوابيس.. مهيب : في ايه يا فرح هو تحقيق ولا ايه بطلي تستخدمي مهنتك معايا انا مش طفل صغير هتكشفي عليه .. فرح استغربت عصبيته : طب اهدي مالك في ايه انا خوفت عليك مش اكتر.. مهيب نفخ بضيق : أنا اللي آسف اني اتعصبت عليكي معلش اعزريني مخنوق بس شويه...زياد فين ؟ فرح : نايم سهر كتير يستناك بس انت اتأخرت فنام متأخر !! سكتت شويه وكملت كلامها مش ناوي تدخل معانا شريك في المستشفي بنسبة اسهم.. مهيب : شوفي المبلغ اللي انتي عايزاه وانا هدفعة واعتبريه تبرع مني للمستشفي بلاش حكايه شريك دي واهو ارد نص جمايلك عليا ولا انتي نسيتي لولا الفلوس اللي انتي ادتهالي زمان وساعدتيني بيها مكنتش اتجوزت ملك ! فرح : اولا لما ساعدتك زمان كان علشان انت اخويا وانا اختك الكبيرة وكملت بغضب ويارتني ماكنت ساعدتك ولا اتجوزت الجوازه المشؤمه دي بس ما علينا مش هتكلم في القديم دلوقتي انا عايزاك يكون ليك مكان في المستشفي ونكبرها مع بعض انا وانت وسامح .. مهيب : طيب انت وسامح دكاتره ودا شغلكم تكبروه مع بعض انا داخلي ايه انا مهندس ولا بفهم حاجة في الطب علشان ادخل معاكي شريك ! شوفي الفلوس اللي انتي عايزاها وهتكون موجوده عندك ! فرح : يا مهيب افهم المستشفي محتاجة اجهزة جديده ومعدات بملايين وكدا كدا انا وسامح محتاجين شريك تالت ومش عايزين ندخل حد غريب في شغلنا ..وعلي العموم براحتك ..ولسه هتمشي ..استني بس ! ماشي يا فرح انا موافق وشوفوا هتعملوا ايه وانا معاكم.. فرح بفرحة حضنت اخوها : انت متعرفش حلمي انا وسامح في المستشفي دي قد ايه وما صدقنا خلاص جهزت وواقفه علي الاجهزة والافتتاح مهيب ابتسم : هتكون احلي مستشفي ان شاء الله.. نتعرف علي فرح وسامح : ... فرح اخت مهيب الكبيره اتخرجت من كليه الطب واتخصصت في طب اطفال .. سامح كان زميلها في الجامعه اتعرفوا علي بعض وحابوا بعض جدااا واتقدم ليها واتجوزها ..سامح كان تخصصة امراض قلب وبعد سنة من الجواز جاتله فرصة سفر في دبي بمرتب خيالي خد مراته وسافر قعد 11 سنة من الشغل المتواصل كان حلم عمرة يفتح مستشفي خاصة في بلده ويستقر فيها جنب اهلة !! وبعد معاناه قدر يحقق حلمة هو ومراته بمستشفي بعنوان "الحياه والامل في بكرة "... فخر دخل علي اخوه ابراهيم لقاه بيجهز نفسه للسفر : انت م**م بردو تمشي النهارده ... ابراهيم : ما انت عارف يا فخر الورشه والبيت لوحدهم ولازم امشي وبعدين احنا بقالنا يومين قاعدين معاكم اهوو كفايا كده وعلي راي المثل يا بخت من زار وخفف !! فخر : انت بتقول ايه دا بيتك انت هنا مش ضيف يا ابراهيم متزعلنيش منك بكلامك ده ! ابراهيم ضحك : خلاص يا عم ماتقفش اوي كده وبعدين انا لازم اروح علشان استعد لتجهيزات الفرح انتي ناسي ان عندنا فرح كمان اسبوعين ! فخر بفرحه : عايز اعمل احلي فرح انا مفرحتش بجوازته الاولنيه ولا حسيت بيها لكن المرادي هعملها في البلد وسط اهلي وناسي ونفرح كلنا!! ابراهيم : ان شاء الله يا فخر هنفرح كلنا ، مهيب انا بعتبره ابني اللي مخلفتهوش وبجوازه من حنين هيكون هو المسؤول علي بناتي من بعدي ! فخر : بعد الشر عليك يا هيما انت هتجوز بناتك واحفادهم كمان .. ابراهيم ضحك : اتمني بس محدش فينا كبيرعلي الموت ..يلا اشوف وشك بخير سلم علي اخوه وخد مراته وعياله وابوه اللي رفض نهائي يفضل في القاهرة عند فخر ...دول اسبوعين بس يابا وهننزل البلد كلنا الجد خطاب : ولا دقيقه واحده مقدرش انا اقعد هنا في الزحمه دي انا مش برتاح غير في بيتي يابني سبني علي راحتي .. فخر فقد الامل : اللي يريحك يا حاج ...ركبوا العربيه بعد ما سلموا علي بعض ومهيب اللي سلام علي حنين بفتور ولا كأنها مراته ..العربية مشت خلاص وحنين مسحت دمعه نزلت منها بسرعة قبل ما حد يشوفها ... بعد ما مشيوا مهيب طلع اوضتة يغير هدومه ونازل علي الشركة قابلة ابوه بإبتسامة رايح فين ؟ مهيب : عندي شغل ! عايز حاجة ؟ فخر : انا اتفقت مع عمك بعد اسبوعين هنروح البلد هنجيب للعروسه شبكة تليق بيها وهنعمل الفرح هناك وسط عيلتك واهلك وناسك ! مهيب بتنهيدة : اعمل اللي يريحك يا بابا واللي انت شايفه صح ..بعد اذنك ...قال كلامه ونزل ركب عربيته وصل الشركه فتح المكتب لقي طلعت مستنيه ! ايه ده طلعت بيه بنفسه عندي في مكتبي قاعد مستنيني لا دي عيبة في حقي اسف علي تأخيري يا باشا.. طلعت : اقعد يا مهيب عايزك .. مهيب قعد قصاده : خير ! طلعت : عايز اعرف ايه حكايتك علشان اعرف اساعدك ومتغركش نفسك مع ناس انت مش قدهم انت متعرفش شريف الحكيم ده مين ده لدعته والقبر !! مهيب ابتسم : لا اعرفه وصدقني قده ونص كمان طلع موبيلة وراله الصور اللي صورها ..شايف الصور دي دي لواحدها تخليه يعملي الف حساب !! طلعت اول ما شاف الصور اتصدم : انت عارف مين اللي معاه في الصور دي ! مهيب ضحك : طبعا عارف دي اكتر واحده بكرها في حياتي وحظها المهبب انه وقعها تحت ايدي هههه سبحان الله اكتر اتنين كرهتم اتجمعوا ليا في صورة واحده.. طلعت : انت ناوي علي ايه ؟ مهيب : كل خير ! طلعت سكت شويه وبعدها اتكلم : مهيب انت مش مخبي عليا حاجة ؟ مهيب : زي ايه ؟! انا قولتلك كل حاجه مايا وشريف لعبوا لعبتهم وخدوا مني كل حاجة بس لو عايز من الصبح اخد منهم كل حاجه هاخدها وماتخافش علي شغلك معايا محدش هيقدر يعمله حاجة طلعت : الشغل ده اخر همي وانت عارف ده كويس مهيب أنا بعتبرك اخويا الصغير ف عايزك تنسي الماضي وكفايا اوي اللي جرالك في حياتك بسببه.. مهيب : صعب انسي الكلام بالنسبالك سهل تقولة لكن التنفيذ صعب عليا اوي .. طلعت : لا مش صعب مفيش حاجة صعبة ...اللي صعب تعوضه فعلا هي صحتك اللي راحت علشان حاجة ماتستهلش انا عرفت بتعبك يا مهيب وزعلت انك مخبي عني استنيتك تقولي مقولتش ... مهيب نفخ بضيق : مقولتش علشان مش عايز اشيل حد همي دا غير اني اتصحبت مع مرضي خلاص ومش عايز حد يعرف علشان محدش يفكرني بيه كل شويه .. طلعت : وليه متعالجهوش الطب اتقدم ليه سايب صحتك وبتنتقم من ماضي عدا وانتهي فكر في مستقبلك احسن وسيب الانتقام علي ربنا هسيبك تفكر في كلامي وانا بابي مفتوح ليك دايما وانت عارف كدا كويس.. سابة ومشي ومهيب نفخ بضيق ليه الكل بيقوله انسي وابدا من جديد ازاي مش شايفين عذابه واحلامة اللي اتسرقت منه ..اتكلم بصوت كله غضب نسيان مش هنسي وحقي هاخده ساعتها بس نار قلبي هتهدأ..قام وقف ونزل ركب عربيتة وراح علي بيتها وقف يبص علي ذكريات عدت من سنين ذكريات محفوره جوا قلبه عمرها ما هتتنسي وهو واقف شافها طالعه البلكونه ابتسم افتكر ازاي كانت بالنسبالة الهواء اللي بيتنفسه .. ملك نفس الشئ كانت قاعده عايشه في الماضي ورافضة اي حاجة غيره حتي علاجها رافضه تاخدة لحد ما شمت ريحته حست انه موجود قريب منها قامت تلقائي فتحت البلكونه زي ما كانت متعوده يمكن تلمحه وكانت الصدمه انها فعلا شافته في الاول فكرت نفسها بتتخيل وجوده وثواني وهيختفي بس محصلش وهو فعلا موجود مش مجرد خيال شفايفها نطقت اسمة ونزلت تجري تشوفة .. مهيب كان واقف ساند نفسة علي عربيتة اتمني انة فعلا يشوفها ... واول ما شافها مقدرش ينكر ان قلبة دق بعنف دقات القلب بيدقها ليها هي وبس هي الوحيده اللي متحكمه في ض*بات قلبه بلمسة منها بيهدي ويرتاح وينسي الدنيا وما فيها ..اول ما ضمتة غمض عيونة وحسي بقلبة بيقولة اهدي ارتاح خلاص جالك الدواء .. ملك نزلت تجري علي مهيب اللي اول ما شافته رمت نفسها في حضنه وهي بتعيط مهيب انت هنا في حضني ولا انا بتخيل .. مهيب جاوبها بإنه ضمها لحضنه اكتر : انا موجود معاكي وفي حضنك للابد ومستحيل حد في الدنيا دي يقدر يفرق بينا ... ملك مكنتش مصدقه اللي هي بتسمعة : مهيب انت سامحتني ولسه بتحبني زي ما بحبك عارفه ان غلطت وندمت ندم العمر كلة صدقني انا من غيرك بموت في الدقيقه الف مرة انت مالك قلبي وهتفضل كده طول العمر مهيب بصلها : وانتي هتفضلي دقات قلب مهيب طول العمر .. ملك : مهيب انا بحبك .. مهيب : مش اكتر مني ! بس خلاص انتي واحده متجوزه والحب ده مش ملكي ومحدش بياخد كل حاجة وانتي اللي اخترتي الفراق بإيدك... ملك : عارفة اني غلطت ومستعده اصلح الغلط واكون معاك العمر كله ..بس انت ارجعلي ارجع لملك حبيبتك مهيب انا مجتجالك اوي .. مهيب جاوبها بإنه شدها جوا العربيه وخ*ف معاها لحظات بتمثل ليهم الحياه!! ...الحياه الغلط تماما بالعافيه بعدوا عن بعض ملك حبت تقرب تاني مهيب واقفها ..صدقيني اللي بيحصل ده غلط وانا مش هكمل في الغلط ده انا بحبك وعايزك اه بس كده مش هقدر ارضيكي الا لما تكوني حلالي من تاني.. ملك بفرحة : أنا هرفع عليه قضيه خلع وهشوف احسن محامي في البلد هديلة اللي هو عايزو بس يخلصني منه وبعدها هكون معاك انت لو القاضي حكم ليا بالخلع هكون مراتك بعد شهر من الحكم ووعد مني مش هسيبك ابدااا.. مهيب : وانا هستناكي ساعتها بس اعرف اكون علي راحتي معاكي من تاني .. ملك : مهيب انت فعلا عايز ترجعلي .. مهيب : انا مش عايش من غيرك يا ملك الحياة عندي انتي وبس قرب ايدها لشفايفة وباسها بحب وهي قلبها بيرقص من الفرحة .. طيب قولتلي انك خاطب وهتتجوز بعد شهر .. مهيب: لو كنت عايز اتجوز غيرك كنت اتجوزت من زمان اوي بس مفيش واحده في الكون ده كله تقدر تاخد مكانك جوا قلبي .. ملك بض*بات قلب سريعة : وانا ملكك انت وبس طول عمري عقلي وقلبي ملكك انت وبس .. مهيب بتنهيده : لازم تنزلي علشان محدش يشوفك معايا ادلها رقم موبيلة هكلمك لحد ما تخلصي موضوعك مع جوزك وساعتها بس هتكوني بتاعتي انا .. ملك باستة من خده ونزلت وقبلها انتعش مهيب قدر يصحي كل الحب والمشاعر من تاني حاجات كانت قربت تنساها خلاص هو ادهالها .... مهيب اول ما ملك نزلت اتنفس بعمق واتكلم يا تري اللي هو بيعملة ده صح ولا غلط .... عدي اسبوعين مهيب وملك متابعين بعض بيكلمها اكتر ما بينام لحد ما قالها انه مسافر البلد في فرح ومش هيعرف يكلمها كتير ..هي زعلت يعني ايه ..؟ مهيب : هما تلات ايام بالكتير وهاجي تاني تكوني خلصتي مع المحامي والصور اللي معاكي هتساعدك لو هو حب يعملك حاجه طول ما الصور دي معاكي انت في امان منه.. ملك اول ما افتكرت الصور اتضايقت كان نفسها تجيب مايا من شعرها او تتكلم بس ماقدرتش .... حسين دخل لملك وزعق معاها : اللي انتي يتعمليه ده اكبر غلط شريف مش هيسكت ... ملك بإبتسامة : لا هيسكت لانه عارف قذارته كويس اوي ...بصت ل مايا اللي واقفة وراه وكأنها بتقولها دورك جاي.... متخافش يا بابا ولا هيقدر يعمل حاجة ! في البلد ؛ حنين اختارت شبكة ليها وحجزت فستان وراحت كوافير واستنت مهيب يجي ياخدها بس مهيب مجاش وتليفونه مقفول ومحدش عارف يوصله نهائي .. حنين الكل داخل يطمنها وهي دموعها بتهدد بالنزول هي كانت عارفه انها مفروضه عليه بس متوقعتش يجرحها اوي كده ويهرب منها يوم فرحها ....؟؟ هنا تكون انتهت الحلقه السادسه والي اللقاء في الحلقه القادمه هل سيقود جنون مهيب الي ان يكون شيطان حقيقي متجسد في صوره انسان؟ # # # # # # # # # # # # # # # # # # # # # # # # # # ## # #

Free reading for new users

Scan code to download app

App Store Google Play

Facebookexpand_more