(The intensity)
MAHIGPIT ang hawak nito sa kanyang baywang. Dikit na dikit ang kanilang mga mukha kaya amoy na amoy niya ang alak sa bibig nito. Nakapagtatakang sa kabila niyon ay naaamoy niya pa rin ang mahalimuyak nitong bango sa katawan.
“Lorcan, bitiwan mo ako.”
Hinaplos ng isang kamay nito ang mukha niya. “You’re so beautiful, Arwa.” Nakita pa niya kung paano naging maulap ang dalawa nitong mata kasabay ng paglunok ng sunud-sunod.
May kung anong sumundot sa dibdib niya. Walang alinlangang inamin niya sa sarili na na-miss niya ito. Marahil ay hindi siya sanay na cold ito sa kanya. Hinahanap-hanap niya ang malambing nitong boses, maamong mukha na hindi nawawala ang ngiti sa labi.
“Ku-kukuha ako ng tubig… bitiwan mo na muna ako.” Ilang segundo rin siyang tinitigan nito saka dahan-
