(A wild night)
NANG magising sila matapos ang ilang oras na pagtulog ay agad silang namasyal sa palibot ng isla. Binigyan din sila ng payong na maari nilang gamitin. Napatigil sa paghakbang si Arwa nang itali ni Lorcan ang buhok niyang malayang isinasayaw ng hangin. Natatakpan daw kasi ang mga mata niya.
Walang kapagurang nilibot nila ang ilang bahagi ng isla. Kung isang linggo silang mananatili ay tiyak na malilibot at mapapasyalan nila ang kabuuan nito. Nang mapagod sila ay umupo sila sa dalawang malaking bato na nasa ilalim ng puno ng niyog.
“Gusto mo ba ng buko?”
“Mayroon ba?”
“Aakyat ako.” Sabay turo nito sa puno.
“Huwag na! Baka mahulog ka pa!”
“Mababa lang naman iyan, Arwa ko. Trust me, kaya ko.”
Wala siyang nagawa kung hindi ang tumango na lang. Gumilid na muna siya sa tako
