(A hopeful future)
WALANG ingay ang namagitan sa kanila ni Lorcan habang lulan ng sasakyan. Gusto niya itong tanungin sa mga bagay na isiniwalat ng ina nito ngunit hindi niya magawa. Ramdam niya ang tensiyon sa pagitan nilang dalawa. Hanggang dumating sila sa bahay nito ay wala pa rin itong imik. Inalalayan pa siya nitong bumaba matapos buksan ang gate saka ipinasok ang sasakyan.
Kaya pala maraming namamatay sa maling akala. Inaatake ka niyon ng hindi ayon sa sariling paniniwala. Akala niya ay ayos na ang lahat. Bakit bigla na lang ganoon ang nangyari?
Nauna na siyang pumasok ng bahay. Dumiretso sa kanyang silid at nagpalit ng damit. Palabas na siya ng banyo nang dalawang bisig ang sumalo sa kanyang katawan. Si Lorcan. Hindi niya alam kung gaano na ito katagal na nasa loob ng kanyang si
