WARNING: SPG ALERT! Read at your own risk.
(Too intimate)
SAGLIT lang na nag-stay si Wolf sa bahay ni Lorcan. Nagluluto siya nang bigla itong magpaalam. Bumusina pa ito nang ihatid niya sa labas. Bilib na talaga siya sa pagkakaibigan ni Wolf at Lorcan. Alam niyang hindi lang basta isang lalaki si Wolf. Sa itsura nito ay halatang nasa business din ang linya ng trabaho. Ang ipinagtataka niya lang talaga ay nagagawa pa nitong sundan at bantayan siya.
Bigla niyang naalala si Lorcan. Malaki talaga ang tiwala nito kay Wolf. Inabala na ng husto ang kaibigan nang dahil sa kanya. Binalikan niya ang niluluto matapos i-lock ang pinto. Hindi niya alam kung anong oras ang uwi ni Lorcan kaya inagahan niya ang pagluluto ng hapunan. Sayang lang at hindi na niya nasabihan pa si Wolf na saluhan sila. Mu
