(Unknown caller)
NAGPASALAMAT si Arwa sa kooperasyon nina Miggy at Sab. Maayos na natapos ang hapunan na pinagsaluhan nila kasama sina Karen at Wolf. Sinunod niya ang suhestiyon ni Sab na patuluyin muna sa kanila si Miggy upang makasigurado na hindi magdududa ang mag-asawa. Para na rin iyon sa kanyang kapakanan. Pansarili niyang kapakanan. Selfish mang matatawag ang ganoon ay wala na siyang pakialam. Tama na, na si Wolf lang ang nakakaalam ng tungkol sa buhay niya sa kasalukuyan. Pinakiusapan niys si Karen na kumbinsihin ang sariling asawa na huwag ng ipaalam sa iba. Ayaw na niyang magulo pa ang buhay niya. Ang buhay nila ni Gideon.
Mataman niyang pinagmasdan ang anak na mahimbing na natutulog. Hindi ito ang tipo ng bata na madaldal dahil madalas lang itong nakangiti sa kanya. Marunong m
