Sa pagbaba ko sa school ay nagkahiwalay na kami ng landas ni Luke. Di ako nagsalita at ni hindi rin nagpasalamat.
“Kita tayo mamaya,” pahabol na saad nito
“Ano pa nga ba?” saad ko sabay irap sa lalaki. Napangiti lang ako pagtalikod sa kanya. Ang dami ko pa kasing dalang pagkain para mamayang break time at natuwa din naman ako sa panlilibre niya. Bukod pa ang pagca-care niya kahit masungit siya.
Breaktime na at gutom na ako. Kakainin ko ang burger na dala ko habang nakaupo lang sa loob ng campus.
“Huy, magaling ka na? Anong nangyari?” usisa ni Brian.
“Wala. Nahilo lang. Nalipasan ng gutom,” sagot ko sa lalaki.
“Hay, kumain ka kasi. Diet ka ba? Ang payat mo na kaya.”
“Kakain na nga. Gusto mo ng burger? Hati tayo,” alok ko sa lalaki sabay labas ko ng pagkain na nasa supot.
“Wow, may p
