Pagkaluto ko ay kumain na kami ng almusal ni Luke. Si Trixie naman ay nagising na rin at nag-aayos na sila para sa kanilang pag-alis ni mama.
“Bati na ulit kayo ate? Kayo na ulit?” bulong nito sa akin at nang-iintriga agad.
“Tanga. Hindi. Tutor pa rin niya ako pero mabait na ulit sya at medyo ok na kami,” sagot ko sa aking kapatid.
“Hala college na nagpapaturo pa rin sayo.” gulat na saad nito at di makapaniwalang nagpapaturo pa rin sa akin si Luke.
“Shhh. Hwag kang maingay dyan. Mabuting hindi sya matalino at tamad. Dahil doon, libre ang tuition ko. Ikaw talaga hanggang ngayon taklesa ka pa rin at chismosa. Umalis na nga kayo,” bulong na sagot ko rin sa aking kapatid habang nasa kusina kami. Baka marinig pa ni Luke na sya ang pinag-uusapan namin ni Trixie.
“Uyy, gusto nyong masolo ang
