Bumaba po ito ng kotse at pinagbuksan pa ako ng pinto. Kumaway si Kuya Kelly sa mga tambay sa amin para batiin sila.
“Bakit?” tanong ko kay Kuya habang nagdadrive na sya.
“Anong bakit?”
“Panay ang tingin mo. Baka mabangga tayo.”
“Masama bang tumingin sa magandang dilag?” biro pa nito at pinaikot ko ang aking mga mata.
“Dilag? Baka dalag.” sagot ko sa lalaki dahil ang simple nga lang ng itsura ko.
Napangiti sya at napa-iling. Ganoon ba ako kaganda para tingnan niya? Nakakatuwa naman na nagandahan siya sa akin. Ako nga ay di nagagandahan sa aking sarili.
“Sya nga pala. May curfew ako at hanggang 9:30 lang ako ha. Masungit kasi yung step father ko.”
“Ano? Daig mo pa si Cinderella. Ang aga naman. Kahit 11 naman sana.”
“Ayaw nga akong payagan ng boss ko. Sabi ko na lang na 10 o clock n
