Hinanap niya ng pinapanood ko at nagplay ito sa tv niya. Umupo ako sa tabi niya habang may dala din akong chips na pinili ko kanina sa grocery store. Sabay kaming nanood ng rom-com movie na pinapanood ko kanina sa aking phone. Naalala ko tuloy yung dating nangyari sa amin na pinuntahan niya ako sa bahay at may dala pa syang pizza. Naalala ko rin tuloy si Brian na bigla ring sumulpot sa bahay para makinood. Ayoko na sanang maalala yun pero heto at bumabalik sa aking isip ang mga nakaraan.
“Like the old times,” saad nito na mukhang naalala rin ang nakaraan.
“Ang alin?” maangmaangan ko pa at kunyari ay walang alam.
“Di mo na naalala?”
“May amnesia ako. Wala na akong naaalala na kahit ano.”
“Ang bilis mo namang makalimot samantalang parang nagfaflash back sa akin ang lahat at pati na rin
