Nagligpit na kami ng mga gamit sa loob ng resthouse. Nilinis namin ang kalat saka sumakay sa kotse.
Sa loob ng kotse may iniabot na maliit na box si Luke sa akin. Sa palagay ko ay di naman singsing dahil medyo malaki ng kaunti ang kahon. Parang bracelet sa palagay ko. Kinilig ako ng bahagya. Kahit ano ay matutuwa ako na kahit gawa lang ito sa sinulid, plastic o native materials. Anumang galing sa kanya ay maligaya ang puso ko.
“Ano ‘to?” tanong ko sa lalaki.
“Buksan mo para malaman mo.”
“Bakit may paganito pa?” nahihiyang tanong ko. Nakaramdam ako ng sobrang kaligayahan. Ang pamamasyal namin ay sapat na sa akin at masayang masaya na ako tapos may paganito pa. Sobra naman.
“Because you’re always making me happy. Gift ko yan sayo kasi sinagot mo na ako.”
Nagulat ako ng makita ang nasa
