"PAGEANT?" Nakataas ang kanang kilay ni Thesa, matapos kong sabihin ang tungkol sa pageant sa kumpanya ni Rafael.
Tumango ako. "Oo, at kailangan n'yo akong tulungan sa bagay na 'yan!"
Napapikit sa hangin si Thesa. "Walang ka namang talent sa ganyan. Hindi ba't pinag-aralan mo nga lang ang lakad ni Belinda sa pagmo-model ay hirap na hirap ka na. Ang salihan mo paunahan makaubos ng alak siguradong ikaw ang champion."
Hinampas ko siya sa balikat. "Salamat, nakatulong ang motivation mo sa akin." Sabay Irap ko.
"Aray! Bakit totoo naman? Huwag ka ng sumali sa ganyan pageant wala ka namang talent diyan."
"Nakakainis kasi ang bruha na 'yon! Feeling maganda mukha namang paa. Suntukin ko kaya ilong niya para tumabingi. Ang sabi ni Rafael nagparetoke ng ilong si Jane kaya nag-iba ang itsura niya
