Chapter 16
Taira's POV
"Magkita tayo rito sa mall. Okay lang ba sa 'yo?" si Chie sa kabilang linya. Hindi ako nagsalita. "Hey, Air, alam ko ikaw ang Boss ko pero ngayon lang ako hihiling. Bago man lang ako lumipad patungong US ay makapag-usap tayo nang masinsinan."
Bumuntong-hininga ako at napapikit. Honestly, wala namang problema kung gusto niyang makipagkita. Ang ayaw ko lang ay iyong lumabas. Hindi ko hilig ang gumala or kahit lumabas lang para mag-unwind saglit. Mas gusto kong nagkukulong. Iyong walang ingay na maririnig. Iyong pagpunta nga sa store ay napapagod na ako, iyon pa kayang mall.
Kahit noong wala pa akong sakit, nakasanayan ko na talagang laging nasa bahay lang. Ayaw ko rin iyong bumabiyahe, probinsiya man o kalapit lang na lungsod. Wala akong hilig. Hindi ako nasanay.
