"'Di ka ba kakain? Sabayan mo na ako kaysa naman kada subo ko napapalunok ka rin. Huwag mong gugutumin ang sarili mo dahil kapag gutom ka hindi ka makakapag-isip niyan ng maayos," alok ni Nicholai sa kaniya na may kasamang malasakit kuno.
Nanonood kasi siya habang kumakain ito dito sa loob ng opisina niya.
Nagtataka kasi siya dahil lagi na lang itong gutom sa tuwing nagagawi ito dito sa restaurant niya.
Halatang nasasarapan ito sa mga kinakain nito pero mamaya kung kailan naubos na nito ang lahat ng mga nasa harapan nito ay saka lang ito magrereklamo na hindi raw masarap.
"Hoy, kumain ka na rin hindi 'yong nakanganga ka riyan habang nakatitig sa akin. Hindi talaga maitatanggi sa mukha mo na malaki ang paghanga mo sa 'kin, eh, 'no? Hindi ba dapat magpakipot ka man lang?"
"Isubo mo na
