Kanina pa pinipigilan ni Nicholai na hindi matawa dahil sa nakikita niyang pag-aalala sa mga mata ni Clarisse.
Hindi niya akalain na seseryosohin nito ang ikinuwento niya tungkol kay Imba.
Sana pala noon niya pa ito ginawa kung alam niya lang na ito pala ang paraan para maging mabait ito sa kaniya.
Habang nagmamaneho ito ay panay ang dasal nito.
Ipinagdadasal nito ang kaluluwa niya na kung mayroon man daw siyang nasaktan ay patawarin na lang siya dahil hindi naman daw niya iyon sinasadya.
Natawa tuloy siya kaya naman para hindi siya nito mapansin ay sa labas ng bintana lang siya nakatingin.
"Nicholai, ayos ka lang ba?" untag nito pero hindi niya ito nilingon dahil baka matawa siya ng malakas.
"Ayos lang ako, Clarisse," wala sa sarili niyang tugon kunwari. "Bilisan mo na 'yang p
