Pinagmasdan ko ang mga lumang kagamitan sa loob ng bahay. Sa labas ay nagmistulang bago pero sa loob ay pinaglumaan na pala ito. Natatakot ako tuwing nakikita akong litrato ng babaeng naka filipiniana sa tabi ko. Para kasing lalabas tapos sasakalin ako eh.
"Okay ka lang, Becky?" Napatalon ako sa gulat nang hawakan ni Jude ang aking kamay.
"Ha? Ah, oo." Pilit akong tumawa at napatingin na naman sa litrato.
"Ngayon lang kita nakitang may kasamang babae, Jude." Ani naman ni Fajardo kaya mabilis akong napatingin sa kanya. "Akala ko talaga girlfriend mo." Patuloy niya.
"Ay, hindi! Imposible iyon." Sabi ko at winasiwas pa ang aking palad sa ere. Seryoso lang napatingin si Jude sa akin atsaka tumikhim.
"Kababata ko siya. Magnanakaw na noon pa." Nawala ang ngiti sa labi ko nang marinig ang k
