Oceane
Sa ibabaw ng study table, inilagay ko ang bag ng mga pinamili ko, saka ako naupo sa kama, iniisip ko ang nangyari kanina sa Night Market. Ang babaeng kasama ni Jacob, nakahawak ito sa braso ni Jacob, habang masaya silang naglalakad. Kung hindi ko kilala si Jacob, iisipin kong may relasyon silang dalawa. At sa itsura niya, komportable siyang kasama ang babae.
Huminga ako ng malalim, nahiga ako sa kama. Tinitigan ko ang bag sa ibabaw ng study table.
'Kung wala ang kaibigan mo, I'm here. We can be friends you know..'
Nag eko sa isip ko sinabi ni Zaiden kanina habang nakatingin sa mga gamit na pinamili ko. Masaya ang pamimili dahil sa mga nakasama ko. Okay naman sina Zaiden at Tim, sweet at gentleman si Zaiden samantalang kalog at happy go lucky si Tim. Hindi sila ang tipo kong magi
