الزهرة المفترسة

الفصل السابع

في المزرعة..

عامر:لين عايزك..

لين بضيق وتأفف: خير..عايز ايه..

عامر بحده:فيه ايه اتعدلي في الكلام..

لين:نعم..وبإبتسامه صفراء..كده كويس..

عامر بحنق: سمعت ان هشام رجع من السفر...

لين بضيق:ايوة اتنيل ورجع..ايه الجديد..

عامر:الجديد انك تسيبي جوزك وتيجي هنا..

لين برفعة حاجب:وايه اللي جد..

ماهو سايبني من سنين..

عامر بحدة:اللي جد انه رجع علي طول

وعايز يرجعلك وانتي منشفة دماغك..

لين بعصبية:منشفة دماغي.. مش منشفاها

محدش ليه دعوة..مش اتجوزته وخلصنا..عايز ايه تاني..

عامر بغضب:عايز انك تتعدلي مع جوزك..وتبطلي جنانك..

لين بعصبيه:قلت لا..ومش هعمل غير اللي في دماغي..

دعاء:يالين ده برضو جوزك يابنتي..عيب..

لين بعيون غاضبه: جوزي..لا والله..بلاش الهبل ده..

الكل عارف اننا متجوزين علشان فلوس كاظم..

فمش هنمثل علي بعض..

دعاء:يابنتي ام هشام عماله تشتكي.. وتقول انك مطفشه ابنها..

لين بسخريه وهي ترحل:لا والله بجد..لا متشغليش بالك

هبقي ازودلها مرتب الشهر وهي هتتخرس خالص..

وبتأفف ونفاذ صبر..بقولكم ايه انا كنت جايه اريح دماغي..

بس انتو خنقتوني..انا ماشيه اووووف..

>>>>>>>>>>>>>>>>>>>>>>>>>>>>>>>>>

عادت لين من المزرعة وذلك لمقا**ه جمال

والاتفاق معه علي تسويه للصفقة التي اخذها منها..

في الفيلا..كانت كوثر تتدلل علي كاظم

حتي يعطيها مال لشراء مجوهرات ما..

كوثر بدلع:ايه ياكاظومي هتستخسر فيا الفلوس ولا ايه..

كاظم:ياكوثر انتي كل شويه عايزة فلوس..

مش من اسبوع جايبه خاتم..

كوثر بحزن مصطنع:ايه ياكاظم..يعني انا مستاهلش..

لين من الخلف وهي تقدم عليهم و بسخريه:

ادلعى ياعوجه فى السنة السودة..ماهي اته محلوله..

عماله تلهفي منها..

وبتهكم..خفي ياختي ع الراجل شويه ده مش حملك..

كوثر بتعوج و غل:اهلا..انتي رجعتي..

لين بق*ف:ايوة ياحيلتها رجعت..امال كنت هقعد هناك..

كاظم:عامله ايه يالين..اخبار المزرعة ايه..

لين بق*ف:ابدا زي ماهي..بس سبت

بقر هناك..جيت لقيت قرود هنا..

كوثر بغيظ:قصدك ايه ياست لين..

لين بتهكم ساخر:وانتي مالك حد وجهلك كلام..

ولا اللي علي راسه بطحة يحسس عليها..

كوثر بغل:انا مش هرد عليكي..انا عارفة انك مفروسه مني..

لين بسخريه ورفعة حاجب:وده من ايه ان شاء الله ..

كوثر بتعوج :علشان جوزي مهتم بيا..

وانتي جوزك منفضلك..محرومه ياعيني..

لين بغضب:انا محرومه يابنت العرر..

يا حربايه وناقصة ربايه..شكلك نسيتي نفسك..

كوثر بغل:انا حربايه وناقصة ربايه..له حق جوزك

يطفش منك..وبإستفزاز..انتي غيرانه مني ومن جمالي..

لين وهي تضحك بسخريه: هههه..جمالك ايه يابنت الجربانه..

انتي نسيتي نفسك اول ماجيتي.. كان عليكي جلخ يق*ف الكلب الجرب..

كاظم بعصبيه:بس انتوا هتردحوا لبعض قدامي..

يلا يالين اطلعي علي اوضتك..

لين :طالعة..قال غيرانه منها قال..علي راي

المثل (ترتر وحرير.. على غطا زير) جاتك البلا..

كوثر لكاظم بغيل :شايف بتعمل فيا ايه..كل شويه تهزئني..

ايه ياكاظم انا مش مراتك ولا ايه..مش عامله ليك اعتبار خالص..

كاظم بتحذير:كوثر..ملكيش دعوة بلين..لين عقلها ضارب..

مش مسئول ان عملتلك حاجة..ابعدي عنها..

كوثر بغيظ:هو ده اللي قدرت عليه..بدل ما تديها

كلمتين..وتعرفها ان كرامتك من كرامتي..

كاظم بملل:انا ماشي..انتي ايه..اووووف..

كوثر بتوعد:ماشي يالين..انا هوريكي كوثر هتعمل فيكي ايه...اصبري عليا..

>>>>>>>>>>>>>>>>>>>>>>>>>>>>>>>>

اشتكت كوثر لين لهشام..

كوثر بعتاب ودلع:يرضيك يااتش اللي لين بتعمله فيه..

هشام بضحكة :عملتلك ايه ياكوكي..

كوثر بإقتضاب: في الرايحة و الجايه

تشتمني عليا..ملهاش كاسر ولا كبير..

هشام برفعه حاجب:والله..طيب مقلتيش ليه لكاظم..

كوثر بتعوج:قلتله..بس قالي ان عقلها ضارب ..

هشام بضحكة: فعلا..طب انتي عايزاني اعملها ايه يعني..

كوثر بغل وتسخين:اشكمها ياهشام..

انت جوزها ومشي كلمتك عليها..

هشام:اهاااا..طب بصي ياكوكي..ابعدي عن

لين اليومين دول..وانا اوعدك اني اظبطهالك..

كوثر بلهفة:بجد..يعني هتربيها..

هشام بملل:طبعا.. سبيها عليا..ولنفسه يكش تقتلك

وتخلص منك وارتاح..اوووف..ولكوثر بإبتسامه..يلا ياكوكي..اسيبك انا..

>>>>>>>>>>>>>>>>>>>>>>>>>>

في شركه مازن توفيق تقدمت نور بأوراقها للعمل هناك..ودلفت الي مازن..

نور بإبتسامه:صباح الخير يافندم..انا نور السيكرتيرة الجديدة لحضرتك..

مازن بإنتباه:انتي اللي جابك حمدي..

نور:ايوة انا..

مازن بإبتسامه:طيب اتفضلي اقعدي..انتي معاكي ايه..

نور:معايا ادارة اعمال..انا مشتغلتش قبل كده..

بس استاذ حمدي مقالش ان لازم خبرة..

مازن:ايوة عادي..المهم عندي الالتزام ..

نور بإبتسامه رقيقة:اكيد يافندم..انا هثبت

لحضرتك اني هكون عند حسن ظنك..

مازن بإبتسامه:طيب اتفضلي..علي الشغل

دلوقتي..وهبعتلك حد يفهمك كل حاجة..

نور:امرك يافندم..وتخرج..

مازن لنفسه بإعجاب:ايه الرقه والحلاوه ديه..لا عرفت تجيب

ياحمدي..احم احم..ايه اللي انا بقوله ده..ركز في الشغل يامازن..

عند نورلنفسها:ايه ده..ماهو كويس اهو..مش ممكن يطلع

زي مابيقولوا عليه..نوووور..ركزي في الشغل احنا جايين نحب هنا..

>>>>>>>>>>>>>>>>>>>>>>>>>>

في الهاتف

هشام بضحكة:ايوة ياقمر..جاي متقلقيش حضري

انتي بس القعدة وانا نصايه وجاي..لاااا..ايوة بقي هنعيد

ايام زمان يامزة..هههههه..وده كلام ده انا اتش برضو..يلا سلام مؤقتا..

ولنفسه..والله زمان..اما انتي يالين اصبري عليا..

>>>>>>>>>>>>>>>>>>>>>>>>>>

في فيلا المغربي.. شاهدت كوثر لين وهي تخرج من الفيلا..

كوثر بتعوج لنفسها:شوفي ياختي الوليه..استنت لما

جوزها اما مشي..ولبست واتشيكت وخرجت..

استني عليا يالين ان ما وريتك..نهايتك علي ايدي..

ام جميل:عايزه حاجة ياست كوثر..

كوثر:هه..لا..الا قوليلي يام جميل..متعرفيش لين رايحة فين..

ام جميل بحنق من كوثر:علمي علمك ياستي..

ومن امته حد بيعرف هي رايحة ولا جايه منين..تؤمري بحاجة..

كوثر بتعوج:لا..انا رايحة اوضتي..وهنام..ولنفسها بغل وتوعد..

اصبري عليا ان ماخليت هشام يطلقك..بس بعد مافضحك مبقاش انا كوثر..

>>>>>>>>>>>>>>>>>>>>>>>>>>>>>

اتفقت لين مع جمال علي ان تقا**ه في مطعم ليتناولوا العشاء

لمناقشة اتفاق بينهم علي تلك الصفقة التي اخذها منها.. تقابلوا في المطعم..

جمال بإبتسامه وهو يسحب الكرسي للين لتجلس ويجلس علي كرسيه...

جمال: بصراحة انا مش مصدق انك وافقتي انك تتعشي معايا..

لين بإبتسامه مصطنعة: اكيد ياجمال ده انت غالي عندي..

جمال: ههههه غالي عندك اوي مش كدة..

لين بدلع وعتاب مصطنع: بس انا زعلانه منك.. كدة تاخد مني الصفقة..

جمال: معلش يالين ده شغل..وانتي برضو

مبترحميش حد..مكوشه علي كل الشغل لنفسك..

لين بدلع ورقة: ايوة بس مش لدرجة انك تشغل واحد لحسابك في شركتي..

جمال بإعجاب شديد: تتعوض ياقمر.. بس انتي اؤمري..وانا انفذ..

لين بإبتسامه ماكرة: بجد..انت جانتي خالص ياجيمي..

جمال ببلاهة: واعجبك قوي يالين.. بس انتي خليكي معايا ع الخط..

لتبتسم لين ابتسامه ساحرة تأسر قلب جمال وتكمل

بخبث: ده انا هوصلك لاخر الخط..خط النهايه ياجيمي..ايه رأيك..

جمال بهيام: معاكي لجهنم يالين..

لين بضحكه: متقلقش هوصلك ليها بنفسي بس اصبر شويه..

مش دلوقتي..بس هتعوضني الخسارة ياجيمي مش كدة..

جمال: طبعا انا تحت امرك..

لين بإبتسامه: اوك هستني منك التعويض ده..

جمال: تسمحيلي بالرقصة ديه..

لين بإبتسامه: اكيد مش هحرمك من حاجة ياجيمي..

ده انت حبيبي..مدام هتعوضلي خسارتي..

جمال بإعجاب: اكيد يالين ..

لترقص لين وجمال ..وتنتهي السهرة ويصطحبها في سيارته..

>>>>>>>>>>>>>>>>>>>>>>>>>>>>>>

عند هشام...

هشام بضحكة:ايه الحلاوة ديه..وكمان

محضره كله ومشبرة القزايز..ديه الليله فل..

سلوي بدلع:ايوة يااتش..امال ايه..

ده انا ماصدقتش لما شفتك عند سوزي..

هشام بغمزة:وانتي ساعتها متوصتيش يا سوسو..

سلوي بحزن:ايه يااتش..ده انت متعرفش انت

وحشتني اد ايه..من ساعة ماسافرت وانا حالي اتبدل..

هشام بسخريه:هههه..لا يابت حوش..

اصلك توبتي عن الرزيله..مانتي زي ماسبتك..

سلوي بضحكة ركيعة:هههههه..شربات زي مانتا يا اتش..

ربنا يجازيها مراتك اللي كانت السبب في بعادك عنا..

هشام:يووووه..ليه بقي السيرة اللي تعكنن

ع المسا..ماتخلينا مع بعض حلوين..

سلوي:هههه..اكيد يااتش..ده انا اخدت اجازة

من الكباريه الليله علشان خاطرك انت..

هشام بغمزة:طب ايه..ماتسمعينا حاجة..

سلوي:اكيد ياقلبي..انت عارف انا رياضتي المفضله الرقص..

هشام بضحكة:والمشي البطال..ههههه..يلا بقي..

سلوي بضحكة ركيعة:هههههه..من عينيا..

هشام:اوعي ..ديه ليله ناااااار..

مش هنولهالك يااتش ياواطي يابتاع النسوان..

انا هوريك..حد يبلغ بوليس الاداب ياجماعة..

وبهمس بس محدش يقوله عليا انا مش قده..

>>>>>>>>>>>>>>>>>>>>>>

بعد منتصف الليل .. يدق هاتف كاظم..

لتتململ كوثر وبإنزعاج: كاظم تليفونك شوف مين..

ليرد كاظم بنوم: الو مين..

سامي بتوتر: كاظم باشا انا سامي..

كاظم: خير ياسامي عايز ايه في الوقت ده..

سامي: اصل ياباشا لين..

كاظم بملل: مالها لين ياسامي عملت ايه مينفعش يتأجل للصبح..

سامي بتوتر: لين ياباشا في المستشفي انض*بت بالرصاص..

>>>>>>>>>>>>>>>>>>>>>>>>>>