رواية جنون الحب الجامعي

البارت الرابع

لا تعلمين أن القمر أيضاً مُدين لكِ بالشكر، فهو يستمد ضيائه من نور وجنتيكِ

-وجنتيكِ فقط -?

You do not know that the moon also owes you thanks, as it derives its light from the light of your cheeks

- Only your cheeks- .?

_______________________________________

ريماس : دكتور إبراهيم اني ما أكدر اعيش اهنا و اهواي عندي اسباب

ابراهيم : ريماس و لا اني مكيف على الوضع ابقي يم مشكاة اني انام وحدي

احمد : بابا

ابراهيم : هاا حماده

احمد : يبنيه عندج اووااه اهواي

ابراهيم : حماده تقرب هاي البنيه اسمها ريماس أكبر منك لازم تسلم عليها بكل احترام

احمد : ريماس شونج

ريماس : زينه حبيبي انت اشلونك

احمد : هم زين

ابراهيم : حماده روح الماما خلي تكمل العشه و جبتلك نساتل من سوبر ماركت

ريماس : نزلت ادموعي خربت بيتك هسه إذا مرتك

ابراهيم : عوفج من مرتي و هذا ابن اختي بس اني مربي

مشكاة : رموسه هذا حامض زين الج حتى تكومين بسرعه

ريماس : ما أكدر اشربه تعبان

ابراهيم : ريماس الاسبوع الجاي دوام و إني اروح و انتي هم لازم تشافين بأقرب وقت اني طالع مشكاة عينج عليها

مشكاة : تمام

ريماس : كعدت ابجي ما اتحملت ما ردت أضعف كدامه

مشكاة : يا حبيبتي كل مشكلة و الها حل

ريماس : ما اكو شي زين عشت بكذبه طول حياتي بابا و ماما الحقيقين موجودين و حرموني من حنانهم و حتى اسمي على عمي

مشكاة : اهدي ما يفيد الكلام و اكيد عمج يحبج أضعاف حب ابوج تدرين ليش لان حس بمعاناة الإنسان ليعيش بدون طفل الاب و الام اليربون مو اليخلفون

ريماس : شربت أعشاب سوتلي اياها طعمها يلعب النفس و بعدين سبحت ما كدرت جسمي م**ر

مشكاة : ريماس اني مثل اختج الجبيره خلي اساعدج

ريماس : دوخلي مشكاة ساعدتني بدلت ملابسي و مشطتلي شعري اشكد ما جسمي يوجعني بس مو بكد الألم السببو إليه

مشكاة : نعيما طلعتي تخبلين

ريماس : شكرا

ام إبراهيم : بنتي ريماس هذا البيت اله قوانينه انتي اهنا حتى لو مثل ما كال ابني ضيفه بس تبقين زوجته ما تنامين الا بغرفة رجلج

ريماس : بس خاله

ام إبراهيم : لا تبسبسين مشكاة الها غرفتها و انتي غرفتج هم

ابراهيم : يمه ليش صوتكم عالي

ام إبراهيم : ليش مرتك تنام اهنا

ابراهيم : يمه لو ما انتي اعرف بهل زواج شنو

ام إبراهيم : يمه ابراهيم أخذها مني الحب بره الزواج مو قبله

ريماس : فد ضجت من كلامها خلص تم اصعد فوك لا تجادلون

ابراهيم : يمه

ام إبراهيم : البنيه و راضيه وين مشكلتك انت

ابراهيم : استغفر الله العظيم تعاي

ريماس : كمت صعدت الدرج وياه

ابراهيم : اسف صرت عصبي

ريماس : لا عادي كعدت على القنفه بالغرفة كان كولشي رصاصي الكنتور القنفه الجربايه و لون الحايط ابيض هي و البردات

ابراهيم : نامي على الجربايه و هسه اصيح مشكاة أشكل الج الكانونه

ريماس : لا شكرا دكتور اني القنفه مرتاحه عليها و جبيره عليه نزل

_______________________________________

مشكاة : ماما البنيه نفسيتها تعبانه و بالأساس ميته ليش اضغطين عليها خطيه

ام إبراهيم : و اخوج مو خطيه ٥ سنين من وره ذيج الحقيره متبهذل حتى هج من البيت خلي هاي مكابلها و ازغيره هسه يحبها هو بشر مو حديد

مشكاة : يمه من صدك تحجين هي وين و ابراهيم وين عبالك ابوها

ام إبراهيم : طلعي منها و هي تعمر هاج صعديلهم العشه و باجر من غبشه اطلع اجهزها لا اخوج ما يحس الصخره تحس و هو لا ما صدكت على الله يزوج

مشكاة : الله يهديج يمه ما اكول غيرها كعدنا نسوي عشه ها نزلت

ابراهيم : ما أخذ راحتي فوك و لا هي ماخذه راحتها

مشكاة : ابراهيم عود نفسك هي مرتك ليش تستحي منها

ابراهيم : حتى انتي غسلو عقلج مشكاة اني وياها فرق ٢١ سنه مو الهل درجة اني ما عندي ضمير اظلمها وياي و الاعظم نخلص حياتنا بدون جهال..

مشكاة : الموضوع ضوجك عوفه حبيبي يولي كاعد اسوي عشه حلو للعرسان اي ابتسم شتسوه الدنيا

ابراهيم : اني راح اكل اهنا لان حتى هي ما تاكل وياي

مشكاة : والله لو تدري بيك امي اسكت

ابراهيم : دك موبايلي الووو

الحجي : ها شكلنا موش الكقيقه واضحه

ابراهيم : حجي حفيدتك بيا حال انتو م**ريها ت**ر

الحجي : أريد نيشانها عايلي زين

ابراهيم : ان شاء الله سديت الخط لزك بعد

وئام : ها خيو وين صفت بيك الايام

ابراهيم : انهزم من الزواج و هو لازكلي

وئام : ما بيها شي اذا كملتو بي

ابراهيم : وئام ما أظلم بت الناس وياي هي زغيره و بنيه الف واحد يتمناها شسوي بالشايب

وئام : شايب لو شياب هههههه

ابراهيم : ما توخر ما اضحك

وئام : يعني بشرفك ما فرحان اجتك مره بلاش

ابراهيم : وئاااام ما توخر مني

ابو إبراهيم : ها عريسنا اول مره احب المشاكل لان زوجوك مال اروح ابوس هذا النشر المقطع

ابراهيم : يابه شنو سالفتكم انت وياهم عليه

ابو ابراهيم : عوفك من هل حجي العروس اشلونها

وئام : اكيد متعبها

ابراهيم : اسكتتتت خلص اني صاعد

وئام : روح يم الحب حظك كاعد ويه حرف الراء

ام ابراهيم : العشه حبيبي انت و جنتي

ابراهيم : الله يهديج حجيه أخذته و صعدت لكيتها نايمه على القنفه اشلون اكعدها خليت الاكل ريماس بابا ريماس كعدي

ريماس : كمزت شسوي اهنا

ابراهيم : نسيتي مو امي خلتنا نفس الغرفه

ريماس : ها اي دكتور اسفه مصدعه اشويه

ابراهيم : سلامتج هسه المغذي بس تكملين ٢ تصيرين قويه

ريماس : اي

ابراهيم : يله تاكلين جبتلج اكل

ريماس : شكرا ما اشتهي دكتور

ابراهيم : ريماس بعد باجر يجون اهلج ما أريد اسمع كلمة دكتور و الأفضل حتى كدام اهلي لا تكوليلها من وحدنا عادي اقبل شتكولين كولي

ريماس : تمام

ابراهيم : إذا تخجلين مني اني اطلع بالبلكونه و اكلي

ريماس : لا دكتور بس ما اشتهي و لا إليه نفس باي شي أريد انام

احمد : كوميييي ويااي

ريماس : ها حمودي

احمد : نعب

ريماس : تعبانه

احمد : شوفي عموري

ريماس : بعدين حبيبي

ابراهيم : حماده اطلع و سد الباب متفقين اكمل عشه و انزل

احمد : اي بابا

ريماس : حمودي لطيف كولش همات راح ينصدم من يكبر من يعرف بيك مو ابو

ابراهيم : لا ما ينصدم لان اني احبه ضعف حب ابو

ريماس : شتقصد

إبراهيم :ابوج يحبج ريماس و ضعف حب ابوج الحقيقي الج ربوج و دللوج ما يصير هيج اجازيهم

ريماس : اموت احسن ما أريد اعيش

ابراهيم :الموت مو حل و يله هذا الاكل اريدج تاكلي

ريماس : مالي نفس مو كولشي تجبروني سجنوني و زوجوني و هسه لازم اكل بكيفكم

ابراهيم : براحتج بس اصححلج المعلومه مو بس انتي الانجبرتي اني الانجربت أكثر عفتها و كمت

ريماس : كعدت ابجي الله لا يطيك يا رافد مووووتني و هدمتني شسويتلك شلعت الكانونه و دورت على الحمام بالغرفه ما اكو لعد خارجها

احمد : لمس ادورين ( رمس شدورين

ريماس : حمام

احمد : هاد

ريماس : شكرا حماده دخلت و قفلت الباب و كعدت ابجي ليش لو كاتلني و لا مسوي بيه هيج مليت البانيو العدهم و كعدت ما أريد كولشي سديت المي و غمضت أريد ارتاح وينك بابا قبلت انت مو أبويه ليش تعوفني متعرف انتو كلشي بالنسبه الريماس

_______________________________________

ابراهيم : طلعت العب تمارين رياضية بمتنزه قريب على البيت رجعت حدود ال١١ لكيت الاكل نفسه وين راحت هل البنيه رحت المشكاة شفتي ريماس

مشكاة : لا والله عبالي بغرفتك نايمه

احمد : بابا بحمام

ابراهيم : من اشوكت

احمد : اهوووو واي

ابراهيم : رحت للحمام فتحي الباب ريماس

مشكاة : شصاير صخام شبيها البنيه

ابراهيم : جيبي المفتاح مال حمام

مشكاة : يابو الع** نسيت وين مخليته انزل اشوف دورته لكيته و صعدت هاك

ابراهيم : انتي فوتي

مشكاة : عزه الحك البنيه رايحه

ابراهيم : شبيها ريماسس شلتها من الماي كلها مي وديتها بغرفتي باوعيلي

مشكاة : ابراهيم يمكن مي بجسمها

ابراهيم :تعالي سويلها تنفس اصطناعي

مشكاة : ما أكدر اخاااف الحك عليها ابراهيم

ابراهيم : جريت نفس و سويت الها مي اهواي داخل جسمها بالنفس الثالث كامت تكحح يالله

ريماس : ختنكت حسيت مي طلع من خشمي و حلكي

ابراهيم : ست ريماس بلا هل سخافه الزايده

مشكاة : البنيه تعبانه على كيفك

ابراهيم : مو بس هي اني هم تعبان مو مثلج هم فكرة انتحر

ريماس : بقيت اكحح لحد ما طلع المي كوله اخ يا ماما وينكم جابتلي مشكاة من ملابسي هل بنيه ذهب والله بدلتلي حيل طيبه و حبابه

مشكاة : سالمه ما اشوفين شر

ريماس : الله يسلمج اشكرج اهواي تعبتج اجه خلالي الكانونه لا عفيه اتوجع

ابراهيم : صبررري

ريماس : درت وجهي و دخلها مؤلمه بشكل و مغذي و تغطيت باللحاف راحو امه و مشكاة بقه كاعد يمي

ابراهيم : ليش سويتي هيج

ريماس : فاهم غلط ما انتحر منو يسوه حتى انتحر علموده اختنكت كولش كلت اسبح ما انتبهت على نفسي نمت

ابراهيم : انتبهي مره ثانيه

ريماس :اي شغل التدفئه مال غرفه و كعد يقره كتاب على القنفه

ابراهيم : ضايجه افتحلج تلفزيون

ريماس : ها لا

ابراهيم : لا تبقين اتصفنين ما تفيدج

ريماس : انت مدتباوع اشمدريك اصفن

ابراهيم : اعرف

ريماس : تصبح على خير

ابراهيم : احلام سعيدة

ريماس : نمت ما ادري اشوكت لان أجواء الغرفة هادئه اساعد على النوم

ابراهيم : غفت بقيت كاعد اكلب بالموبايل اجتني رسالة

توفيق : ابراهيم وينك مختفي

ابراهيم : بهل دنيا يا صاحبي

توفيق : ابراهيم بروح امي اعتذر على الصار

ابراهيم : لا تتعذر توفيق صداقتنا ما جانت لمصلحه لو المنفعه صداقتي وياك جانت حب اخ لاخوه بس مع الأسف سديت المحادثه دك الموبايل

توفيق : الووو لك ليش ما ترد

ابراهيم : اوكف خلي اطلع بره

توفيق : ابراهيم فكها عاد و روح امي ما اتحمل بدونك

ابراهيم : بقه يتعذر ما بيناتنا شي

توفيق : فرحتني اكلك شسويت

ابراهيم : جاي تسألني سويت

توفيق : اعتذر و على راسي بس كلت إذا تحتاج شي اني موجود

ابراهيم : اي والله محتاج اخذ مفتاح الشقه و جهزلي كنتور و جربايه

توفيق : المن

ابراهيم : المرتي

توفيق : ازوجت من ورانا و منو و اشوكت و يمته ليش ما عزمتني

ابراهيم : غير يطي مجال اليوم ريماس طالبتي صارت زوجتي

توفيق : مبرووووك شايف كل الخير والله عمي يفتهم الزوجكم هي اشلون قبلت

ابراهيم : طابعهم عشائري اضطرت تقبل و نسدت الفضيحه احسن

توفيق : تحمست الجيتك اشوكت تجي

ابراهيم : الاسبوع الجاي ان شاء الله

توفيق : يله منتظرك و بيك خير و إدلل بس كنتور و جربايه

ابراهيم : لو اجيب غرفه افضل يشدوها بالغرفة المقابل غرفتي

توفيق : بعيني..

ابراهيم : تسلم عينك توفيق تصبح على خير سديت الموبايل و كعدت اباوع على الشارع من البلكونه هي ازوجت لو لا رفيف كل حبي ما كفاج رجعت دخلت جوه اخذتلي لحاف و مخده و ردت اطلع

ام إبراهيم : ها يمه وين طالع

ابراهيم : يمه انام جوه البنيه تأخذ راحتها و شنو يمه انتي مراقبتني

ام إبراهيم : اي مراقبتك يمه ابراهيم لا تجمر كلبي اسلك ويه البنيه ازغيره و الله ما رزقك من ذيج الحقيره يرزقك من هاي

ابراهيم : اهوووو رجعنا على هذا الموضوع دخلت و طبكت الباب

ريماس : كمزت شكو

ابراهيم : اسف رجعي نامي رجعت نامت تمددت على القنفه احسن شي اجيبلي دوشك و انام على الكاع ما تكفي القنفه رحت المشكاة لو كعدج من نومتج بس اريد دوشك

مشكاة : لا خويه تدلل

ابراهيم : اطتني دوشك و رحت فرشته بالغرفه نمت

ريماس : فزيت الصبح جسمي م**ر بس الجروح احسن من قبل بدأت تروح آثار بسيطه بيها عززه هذا نايم اهنا يا ربي جوعانه وين اروح كام يتحرك غطيت راسي

ابراهيم : كعدت لكيتها نايمه طلعتلي ملابس من الكنتور ريماس كعدي نتريك ريماس

ريماس : ها

ابراهيم : طلعي راسج من الغطه اشبيج

ريماس : ما بيه بردانه هسه اكوم

ابراهيم : يله اخذي راحتج اني راح اطب اسبح اوخر الكانونه

ريماس : اي

ابراهيم : اطيني ايدج كعدت يمها على الجربايه شنو وضعج رفعي الغطه

ريماس : وخرت الغطه من راسي صباح الخير مدنكه

ابراهيم : صباح النور اطيني وخرتها ريماس تعودي عليه افضل الج

ريماس : ما أكدر بيوم و ليله تغيرت حياتي

ابراهيم : ان شاء الله ما اسوي شي يضايقج او يسببلج وجع لا تخافين مني

ريماس : شكرا ( اني مو جنت احبك ليش من ازوجتك اختفه كل الحب اتمنيت و لا كتبت رسالة أريد بس بابا و ماما و حياتي القديمة هماك و رامي و نريمان كولهم مشتاقتلهم رند لو ما سامعه كلامج جان كل هذا ما صار ) خلص لازم اقوي نفسي بابا كان يكولي بابا ضحكي حتى حياتج تحله و هسه اني راح ابتسم بلكت تحله حياتي مسحت ادموعي قفلت الغرفه و غيرت ملابسي لبست تراك كمر اسود و بجامته رصاصي رياضيه و لميت شعري و نزلت كدله اشويه شكلي مقبول أكثر اباوع على كلادة بابا و ماما و ادمع عيوني ليتني ما داومت كلية و لا شفتها لان حرمتني منكم اندك الباب

ابراهيم : ها اي بالعافيه

زينب : شكرا

_______________________________________

مشكاة : جنت نايمه ماخذه اجه من دوامي

ام إبراهيم : كومي تنبل ما نوم

مشكاة : ماما حبيبتي انتي شتريدين

ام إبراهيم : امشي نشتري المرة اخوج اسوالف

مشكاة : ماما بسم الله البارحه ازوجت هو ابراهيم ايكول النا و نشتري

ام ابراهيم : الحجارة تحجي و اخوج ما يحجي يله خلصيني

مشكاة : صدك جذب امي الساعه ب ٧ شعندنا

ام إبراهيم : تكومين لو اروح وحدي

مشكاة : أمري لله كايمه رحنا للسوك و فااتتت جهزتها جهاز عروس و عطور و مكياج و اخذتلها تراكات و دشداشيش ماما تعبان

ام إبراهيم : و صمه اتعلمي براج ٢ ولد ازوجيهم

مشكاة : اوي اني شعليه همه ياخذوهن و يشترون ما ادخل

ام إبراهيم : لو تنصمين اهواي احسن

مشكاة : أخذنا ريوك و رجعنا للبيت

ابو ابراهيم : ام رؤوف وين من الصبح

مشكاة : يابه **رت ظهري تجهز مرة ابراهيم و إني الانشلع كلبي

ام ابراهيم: ما تنطمين ها عيوني جنت بالسوك و اشلون جبتلك كيمر مال عرسان

ابو ابراهيم : الله يهديج

مشكاة : اشرتلي اصعد الشغلات فوك صادفت ابراهيم

ابراهيم : ها وين من الصبح

مشكاة : ابراهيم امك ناويه نيه على ريماس راحت جهزتها

ابراهيم : و لا تبطل من اسوالفها كعدي وياها انتي لا تخليها وحدها ويه ريماس لان نفسيتها تعبانه

مشكاة : اي اعرف الله يهديها ان شاء الله و يطيها الصبر

ابراهيم : امين رحت للغرفة لكيتها مبدله اجت عيني عليها بدون قصد بعدت نظري و كعدت بالغرفة صعدت امي الريوك

ام إبراهيم : يمه شحلاتج طالعه

ريماس : شكرا خاله

ام إبراهيم : يوم الاشوف وليدج بحضنج يا رب

ابراهيم : اي يمه اني ما اكل شبعان

ام إبراهيم : اكل ويه مريتك صابتلك ريوكك

ابراهيم : عافته و طلعت تعالي اكلي

ريماس : ما أريد كولشي ?? ليش اني اهنا الله يخليك رجعني الاهلي خلي يكتلوني ما أريد اعيش

ابراهيم : خليت الصينه و رحت يمها ريماس اني ما اعرف التحسين بي بس ما نكدر انغير شي و كلام اهلي لا تهتمين اله اني علاقتي بيج علاقة اب و بنته مو غير شي يله تعالي اكلي حتى تتحسنين و لان اسبوع الجاي دوام

ريماس : ما أريد ما اشتهي والله

ابراهيم : اوكلج اني

ريماس : انصدمت ها لا اني اكل كعدت اكل و الدمعه بعيني اصلا بكل حركه مقيده منه اكلت اشويه شبعت

ابراهيم : ريماس

ريماس : ما أريد ما احب الكيمر

ابراهيم : تريدين من اكلي اني هم ما احبه

ريماس : لا شكرا من اريد شي اكولك رحت على القنفه تمددت

ابراهيم : اخذي دواج و اكو على الميز مرهم شكو جرح دهني بي

ريماس : هزيت راسي بمعنى اي و شربت الدوه و لخيت المرهم على الجروح و رحت للحمام اكو جروح بجسمي همات خليت الهن دكتور

ابراهيم ; هاا

ريماس : تكدر تطيني موبايلك بس اخابر بابا

ابراهيم : تفضلي

ريماس : شكرا اتصلت على بابا ميرد اتصلت مره ثانيه

رامي : الووو

ريماس : اهلا رامي بابا وين

رامي : ما ادري شكلج رموسه هو زين بس ما يقبل واحد يشوفه

ريماس : بس اريد اسمع صوته اشتاقيتله و نزلت ادموعي

رامي : حبيبتي لا تبجين صدكي زين بالليل اتصل عليج و تسمعين صوته

ريماس : بابا بي شي رامي احجي

رامي : لا ما بي حبيبتي دير بالج على نفسج منو يمج

ريماس : دكتور إبراهيم اقصد ابراهيم

رامي :اطيني خل احجي وياه

ابراهيم : ها رامي اشلونك

رامي : عمي لا تكول شي الريماس وضع عمي كريم خطر من راحت هو خالتي نصدمو عليها

ابراهيم : ها اي كمل

رامي : دير بالك عليها و حاول تلهيها بين ما يصير عمي زين اني ابلغك و اخليها تحجي وياه

ابراهيم : ان شاء الله اي شي تحتاجه اني حاضر راح ادزلك رقم اخويه و الله يسهل

ريماس : شنو يريد

ابراهيم : يوصيني عليج كم ابن عم عندج

ريماس : همام و رامي و طارق ذوله العشت وياهم

ابراهيم : همام اكبركم

ريماس : اي و كولش مدللني كان من طارق يضربني يموته كتل علمودي

ابراهيم : ريماس كافي بجي ما تسوه الدنيا تروح ايام حلوه تجي الاحلى مو كلامي مضبوط

ريماس : اي

ابراهيم : انتي زينه هسه

ريماس : اي ليش

ابراهيم : عندي كم سؤال الج المقطع الطلع ليش انتي من الطالبات

ريماس : هاا رافد السبب هو السواه و هدملي حياتي كولها

ابراهيم : ليش اشبي

ريماس : هو ولد موزين نفس طبع طارق ابن عمي عنده البنيه مجرد لعبه اشوكت ما ملها يذبها صدوك يصرف عليها فلوس بس هيج يشوفها يشوف رجولته تتحقق من يحجي ويه بنات اهواي راد مني نكون علاقة حب بس رفضت لان شفت اخويه اشلون من يعوف البنات و يضحك عليهن و هن بنات عوائل اشكد نصحو بس اتعلم من النصيحة فما ردت اصير مثلهن و انذل و إذل اهلي من عرف اني ما اصير اله صار يخبث عليه اهواي و حتى اخذ صديقتي رند و صاروا على علاقه بعدين بيوم من الايام

ابراهيم : اي كملي بس ريماس اني جانت تجيني رسائل حب و غرام

ريماس : درت وجهي راح اكولك كولشي بس لا تأخذ عليه نظره محلوه

ابراهيم : كولي اني بمقام ابوج ريماس

ريماس : اني من اول يوم شفتك بالتسجيل بيك من بابا انعجبت بيك بس والله مو قصدي غير ما ادري ليش هيج صار ??? كولت الصديقتي رند كولتلي كتبله رسائل هسه يعرف بحبج احسن متاخذه وحده منج و تبجين بوكتها ما جنت افكر كمت اكتبلك و اخليها لو من أسألك على المادة لو من انت عندك محاضره ويه الكروب الثاني و مره شافني رافد و بعدها انشر الفيديو

ابراهيم :................

ان شاء الله على الاثنين انشر بارت بين يوم و يوم