MAGKATABI kaming naka-upo ni Venus sa buhangin habang nakatanaw sa kalmadong tubig ng dagat. Hindi ko nga akalaing alas-tres pa lang ay matatapos agad ang aming klase. May meeting kasi ang faculty kaya pinauwi agad lahat ng estudyante. Pumabor tuloy ito sa date daw namin ni Venus. Kaya kahit naka-uniporme pa kami ay dinala niya ako sa tabing-dagat at mukhang bihira itong puntahan ng mga tao, kami lang kasing dalawa ang narito.
"Mars..." mahina niyang tawag sa akin.
"B-bakit?" Pasimple pa akong sumulyap sa kanya.
"Ano'ng nararamdaman mo 'pag kasama mo ako?" Biglang bumilis ang t***k ng puso ko dahil sa tanong niyang 'yon. Hindi ko alam kung ano ang isasagot ko. Kung mayroon man ay hindi ko alam kung masasabi ko ba.
"H-hindi ko alam..." mahina kong sagot pero nabigla ako nang bigla niyan
